വി​ദ്വേ​ഷ പ്ര​സ്താ​വ​ന; വി.​എ.​ച്ച്.​പി നേ​താ​വി​ന് എ​തി​രെ കേ​സ്

മം​ഗ​ളൂ​രു: കു​ഞ്ചാ​ലു​വി​ലെ പ​ശു ക​ശാ​പ്പ് സം​ഭ​വ​വു​മാ​യി ബ​ന്ധ​പ്പെ​ട്ട് വ​ർ​ഗീ​യ വി​ദ്വേ​ഷം വ​ള​ർ​ത്താ​ൻ ല​ക്ഷ്യ​മി​ട്ടു​ള്ള പ്ര​കോ​പ​ന​പ​ര​മാ​യ പ്ര​സ്താ​വ​ന​ക​ൾ ന​ട​ത്തി​യെ​ന്നാ​രോ​പി​ച്ച് വി​ശ്വ​ഹി​ന്ദു പ​രി​ഷ​ത്ത് നേ​താ​വ് ശ​ര​ൺ പ​മ്പു​വെ​ല്ലി​നെ​തി​രെ ഉ​ഡു​പ്പി ടൗ​ൺ പൊ​ലീ​സ് സ്റ്റേ​ഷ​നി​ൽ സ്വ​മേ​ധ​യാ കേ​സ് ര​ജി​സ്റ്റ​ർ ചെ​യ്തു.

കേ​സ് അ​ന്വേ​ഷ​ണം പൂ​ർ​ത്തി​യാ​കു​ന്ന​തി​നു മു​മ്പ് പ്ര​തി​യാ​യ ശ​ര​ൺ പ​മ്പു​വെ​ൽ വാ​ർ​ത്ത​സ​മ്മേ​ള​നം ന​ട​ത്തു​ക​യും പ്ര​കോ​പ​ന​പ​ര​മാ​യ പ​രാ​മ​ർ​ശ​ങ്ങ​ൾ ന​ട​ത്തു​ക​യും ചെ​യ്തു​വെ​ന്ന് പ​രാ​തി​യി​ൽ പ​റ​യു​ന്നു. പൊ​തു​സ​മാ​ധാ​ന​ത്തി​നും ഐക്യത്തിനും ഭം​ഗം വ​രു​ത്തു​ന്ന​തും അ​സ്വ​സ്ഥ​ത സൃ​ഷ്ടി​ക്കു​ന്ന​തു​മാ​യ തെ​റ്റാ​യ വി​വ​ര​ങ്ങ​ൾ പ്ര​ച​രി​പ്പി​ച്ചു​വെ​ന്നാ​ണ് ആ​രോ​പ​ണം. 

വിഡിയോയിൽ ശരൺ പ​മ്പു​വെ​ൽ സമുദായങ്ങൾക്കിടയിൽ വിദ്വേഷം വളർത്താനും കേസിൽ നടന്നുകൊണ്ടിരിക്കുന്ന അന്വേഷണത്തെക്കുറിച്ച് തെറ്റായ വിവരങ്ങൾ പ്രചരിപ്പിക്കാനും സാധ്യതയുള്ള പ്രസ്താവനകൾ നടത്തുന്നതായി പൊലീസ് പറയുന്നു. വിവിധ വാട്ട്‌സ്ആപ്പ് ഗ്രൂപ്പുകളിൽ ഈ വിഡിയോ വ്യാപകമായി പ്രചരിക്കുന്നുണ്ട്.

അന്വേഷണം പൂർത്തിയാകുന്നതിന് മുമ്പ് നടത്തുന്ന ഇത്തരം പ്രസ്താവനകൾ പൊതുജനങ്ങളെ തെറ്റിദ്ധരിപ്പിക്കുമെന്നും അശാന്തിയും സാമുദായിക ഐക്യവും തകർക്കാൻ സാധ്യതയുണ്ടെന്നും പൊലീസ് പറയുന്നു. ഉഡുപ്പി ടൗൺ പൊലീസ് ബി.എൻ.എസ് സെക്ഷൻ 353(2) പ്രകാരം കേസ് ഫയൽ ചെയ്തിട്ടുണ്ട്. പൊലീസ് നിലവിൽ വിഷയത്തിൽ കൂടുതൽ അന്വേഷണം നടത്തിവരികയാണ്.