ന​മ്മ മെ​ട്രോ സ്റ്റേ​ഷ​നു​ക​ളി​ൽ അ​മു​ൽ, ന​ന്ദി​നി ബൂ​ത്തു​ക​ൾ സ്ഥാ​പി​ക്കും

ബം​ഗ​ളൂ​രു: ന​ഗ​ര​ത്തി​ലെ 10 പ്ര​ധാ​ന മെ​ട്രോ സ്റ്റേ​ഷ​നു​ക​ളി​ൽ അ​മു​ൽ കി​യോ​സ്‌​ക്കു​ക​ൾ സ്ഥാ​പി​ക്കു​ന്ന​തി​ന് ഗു​ജ​റാ​ത്ത് കോ​ഓ​പ​റേ​റ്റി​വ് മി​ൽ​ക്ക് മാ​ർ​ക്ക​റ്റി​ങ് കോ​ർ​പ​റേ​ഷ​ൻ ലി​മി​റ്റ​ഡു​മാ​യി ക​രാ​ർ ഒ​പ്പി​ട്ട​താ​യി ബം​ഗ​ളൂ​രു മെ​ട്രോ റെ​യി​ൽ കോ​ർ​പ​റേ​ഷ​ൻ (ബി.​എം.​ആ​ർ.​സി.​എ​ൽ) പ്ര​ഖ്യാ​പി​ച്ചു. ക​ർ​ണാ​ട​ക​യു​ടെ സ്വ​ന്തം ന​ന്ദി​നി പാ​ലു​ള്ള​പ്പോ​ൾ ഈ ​നീ​ക്കം ന​ന്ദി​കേ​ടാ​ണെ​ന്ന ആ​ക്ഷേ​പ​ം ഉ​യ​ർന്നിരുന്നു.

അതേസമയം ബം​ഗ​ളൂ​രു മെ​ട്രോ റെ​യി​ൽ കോ​ർ​പ​റേ​ഷ​ൻ ലി​മി​റ്റ​ഡ് (ബി.​എം.​ആ​ർ.​സി.​എ​ൽ) മെ​ട്രോ സ്റ്റേ​ഷ​നു​ക​ളി​ൽ റീ​ട്ടെ​യി​ൽ ഔ​ട്ട്‌​ലെ​റ്റു​ക​ൾ തു​റ​ക്കാ​ൻ അ​മു​ലി​ന് അ​നു​മ​തി ന​ൽ​കി​യ​തി​നെ​ച്ചൊ​ല്ലി​യു​ള്ള വി​വാ​ദ​ങ്ങ​ൾ​ക്കി​ടെ അ​ത്ത​രം സ്റ്റേ​ഷ​നു​ക​ളി​ൽ ന​ന്ദി​നി ഔ​ട്ട്‌​ലെ​റ്റു​ക​ൾ സ്ഥാ​പി​ക്കു​ന്ന​തി​നു​ള്ള ന​ട​പ​ടി​ക​ൾ ആ​രം​ഭി​ക്കാ​ൻ ക​ർ​ണാ​ട​ക മി​ൽ​ക്ക് ഫെ​ഡ​റേ​ഷ​നോ​ട് (കെ.​എം.​എ​ഫ്) ആ​വ​ശ്യ​പ്പെ​ട്ടി​ട്ടു​ണ്ടെ​ന്ന് ക​ർ​ണാ​ട​ക ഉ​പ​മു​ഖ്യ​മ​ന്ത്രി ഡി.​കെ. ശി​വ​കു​മാ​ർ പ​റ​ഞ്ഞു.

കെ.​എം.​എ​ഫി​ന്റെ സ്വ​ന്തം പാ​ലു​ൽ​പ​ന്ന ബ്രാ​ൻ​ഡാ​യ ന​ന്ദി​നി​യെ​ക്കാ​ൾ സം​സ്ഥാ​ന സ​ർ​ക്കാ​ർ അ​മു​ലി​നെ അ​നു​കൂ​ലി​ക്കു​ന്നു​വെ​ന്ന് ആ​രോ​പി​ച്ച് നി​ര​വ​ധി സം​ഘ​ട​ന​ക​ൾ വി​മ​ർ​ശ​നം ഉ​ന്ന​യി​ച്ച​തി​നെ തു​ട​ർ​ന്നാ​ണ് ശി​വ​കു​മാ​റി​ന്റെ പ്ര​തി​ക​ര​ണം. എ​ട്ട് മെ​ട്രോ സ്റ്റേ​ഷ​നു​ക​ളി​ൽ ന​ന്ദി​നി ഔ​ട്ട്‌​ലെ​റ്റു​ക​ൾ തു​റ​ക്കു​ന്ന​തി​ന് ബി.​എം.​ആ​ർ.​സി.​എ​ല്ലി​ന് അ​പേ​ക്ഷ സ​മ​ർ​പ്പി​ക്കാ​ൻ കെ.​എം.​എ​ഫി​ന് നി​ർ​ദേ​ശം ന​ൽ​കി​യി​ട്ടു​ണ്ടെ​ന്ന് അ​ദ്ദേ​ഹം മാ​ധ്യ​മ​പ്ര​വ​ർ​ത്ത​ക​രോ​ട് പ​റ​ഞ്ഞു. ബി.​എം.​ആ​ർ.​സി.​എ​ൽ ഒ​രു ആ​ഗോ​ള ടെ​ൻ​ഡ​ർ ന​ൽ​കി​യി​രു​ന്നു, അ​തി​ൽ അ​മു​ൽ മാ​ത്ര​മാ​ണ് അ​പേ​ക്ഷ​ക​ൻ.

ഇ​പ്പോ​ൾ കെ.​എം.​എ​ഫി​നോ​ടും അ​പേ​ക്ഷി​ക്കാ​ൻ ഞ​ങ്ങ​ൾ നി​ർ​ദേ​ശി​ച്ചി​ട്ടു​ണ്ട്. എ​ട്ട് മെ​ട്രോ സ്റ്റേ​ഷ​നു​ക​ളി​ൽ ന​ന്ദി​നി ഔ​ട്ട്‌​ലെ​റ്റു​ക​ൾ കെ.​എം.​എ​ഫ് തു​റ​ക്കും. അ​മു​ൽ ഇ​തി​ന​കം ര​ണ്ട് സ്റ്റേ​ഷ​നു​ക​ളി​ൽ ഔ​ട്ട്‌​ലെ​റ്റു​ക​ൾ തു​റ​ന്നി​ട്ടു​ണ്ട്. നി​ല​വി​ലു​ള്ള​വ അ​ട​ച്ചു​പൂ​ട്ടു​ന്ന​ത് ഉ​ചി​ത​മ​ല്ല. ശേ​ഷി​ക്കു​ന്ന സ്റ്റേ​ഷ​നു​ക​ളി​ൽ ന​ന്ദി​നി ഔ​ട്ട്‌​ലെ​റ്റു​ക​ൾ അ​നു​വ​ദി​ക്കാ​ൻ ഞ​ങ്ങ​ൾ ബി.​എം.​ആ​ർ.​സി.​എ​ല്ലി​നോ​ട് ആ​വ​ശ്യ​പ്പെ​ട്ടി​ട്ടു​ണ്ട് -ഉ​പ​മു​ഖ്യ​മ​ന്ത്രി പ​റ​ഞ്ഞു.

പ​ട്ട​ണ്ടൂ​ർ അ​ഗ്ര​ഹാ​ര, ഇ​ന്ദി​രാ​ന​ഗ​ർ, ബെ​ന്നി​ഗ​ന​ഹ​ള്ളി, ബൈ​യ​പ്പ​ന​ഹ​ള്ളി, ട്രി​നി​റ്റി, സ​ർ.​എം. വി​ശ്വേ​ശ്വ​ര​യ്യ, മ​ജ​സ്റ്റി​ക്, നാ​ഷ​ന​ൽ കോ​ള​ജ്, ജ​യ​ന​ഗ​ർ, ബ​ന​ശ​ങ്ക​രി എ​ന്നീ സ്റ്റേ​ഷ​നു​ക​ളി​ൽ കി​യോ​സ്‌​ക്കു​ക​ൾ സ്ഥാ​പി​ക്കു​ന്ന​തി​നാ​ണ് അ​മു​ലു​മാ​യി ക​രാ​ർ ഒ​പ്പി​ട്ട​ത്. അ​മു​ൽ ഔ​ട്ട്‌​ലെ​റ്റു​ക​ൾ സ്ഥാ​പി​ക്കു​ന്ന​തി​നാ​യി ബി.​എം.​ആ​ർ.​സി.​എ​ൽ ടെ​ൻ​ഡ​റു​ക​ൾ ക്ഷ​ണി​ച്ചി​ട്ടു​ണ്ട്.

പാ​ൽ കൂ​ടാ​തെ ഉ​പോ​ൽ​പ​ന്ന​ങ്ങ​ളാ​യ ചോ​ക്ല​റ്റു​ക​ൾ, ഐ​സ്ക്രീം, ഫാ​സ്റ്റ് ഫു​ഡ് ഇ​ന​ങ്ങ​ൾ, ല​ഘു​ഭ​ക്ഷ​ണ​ങ്ങ​ൾ എ​ന്നി​വ​യും വി​ൽ​ക്കും. മെ​ട്രോ സ്റ്റേ​ഷ​ൻ പ​രി​ധി​യി​ലു​ള്ള ഉ​പ​ഭോ​ക്താ​ക്ക​ൾ​ക്ക് ഇ​ത് പ്ര​യോ​ജ​ന​പ്പെ​ടു​മെ​ന്നാ​ണ് അ​വ​കാ​ശ​പ്പെ​ടു​ന്ന​ത്. ബെ​ന്നി​ഗ​ന​ഹ​ള്ളി, ബ​യ​പ്പ​ന​ഹ​ള്ളി മെ​ട്രോ സ്റ്റേ​ഷ​നു​ക​ളി​ൽ നി​ല​വി​ൽ അ​മു​ൽ ഔ​ട്ട്‌​ലെ​റ്റു​ക​ൾ പ്ര​വ​ർ​ത്തി​ക്കു​ന്നു​ണ്ടെ​ന്ന് ബി.​എം.​ആ​ർ.​സി.​എ​ൽ ഉ​ദ്യോ​ഗ​സ്ഥ​ൻ പ​റ​ഞ്ഞു.

പ​ട്ട​ണ്ടൂ​ർ അ​ഗ്ര​ഹാ​ര, ഇ​ന്ദി​രാ​ന​ഗ​ർ, ട്രി​നി​റ്റി സ​ർ​ക്കി​ൾ, സ​ർ എം. ​വി​ശ്വേ​ശ്വ​ര​യ്യ, ജ​യ​ന​ഗ​ര, മ​ജ​സ്റ്റി​ക്, നാ​ഷ​ന​ൽ കോ​ള​ജ്, ബ​ന​ശ​ങ്ക​രി സ്റ്റേ​ഷ​നു​ക​ളി​ൽ അ​ധി​ക ഔ​ട്ട്‌​ലെ​റ്റു​ക​ളാണ് നന്ദിനി ആ​സൂ​ത്ര​ണം ചെ​യ്തി​ട്ടു​ള്ളത്. എം.​ജി റോ​ഡ്, മ​ഹാ​ല​ക്ഷ്മി, വി​ജ​യ​ന​ഗ​ർ സ്റ്റേ​ഷ​നു​ക​ളി​ൽ ന​ന്ദി​നി മു​മ്പ് ഔ​ട്ട്‌​ലെ​റ്റു​ക​ൾ തു​റ​ന്നി​രു​ന്നു​വെ​ന്ന് ഉ​ദ്യോ​ഗ​സ്ഥ​ൻ കൂ​ട്ടി​ച്ചേ​ർ​ത്തു. ഇ​തി​ൽ വി​ജ​യ​ന​ഗ​ർ ഔ​ട്ട്‌​ലെ​റ്റ് മാ​ത്ര​മാ​ണ് ഇ​പ്പോ​ഴും പ്ര​വ​ർ​ത്തി​ക്കു​ന്ന​ത്. ഞ​ങ്ങ​ൾ​ക്ക് ന​ന്ദി​നി​യും അ​മു​ലും തു​ല്യ​രാ​ണ്. വാ​ട​ക ന​ൽ​കു​ന്ന​വ​ർ​ക്ക് പ്ര​വ​ർ​ത്തി​ക്കാ​ൻ അ​നു​വാ​ദ​മു​ണ്ടാ​കും -ഉ​ദ്യോ​ഗ​സ്ഥ​ൻ പ​റ​ഞ്ഞു.

ക​ർ​ണാ​ട​ക സ​ർ​ക്കാ​ർ ന​ന്ദി​നി​യേ​ക്കാ​ൾ അ​മു​ലി​ന് പ്രാ​ധാ​ന്യം ന​ൽ​കു​ക​യാ​ണെ​ന്ന് ബി.​ജെ.​പി നേ​താ​വ് പി.​സി മോ​ഹ​ന​ൻ ആ​രോ​പി​ച്ച് രംഗത്തു വന്നിരുന്നു. പ​ത്തോ​ളം മെ​ട്രോ സ്റ്റേ​ഷ​നു​ക​ളി​ൽ ന​ന്ദി​നി​ക്ക് പ​ക​രം സ​ർ​ക്കാ​ർ അ​മു​ലി​ന് അ​നു​മ​തി ന​ൽ​കി​യ​താ​യി അ​ദ്ദേ​ഹം പ​റ​ഞ്ഞു. പ​ല ന​ന്ദി​നി ഉ​ൽ​പ​ന്ന​ങ്ങ​ൾ​ക്കും അ​മൂ​ലി​നേ​ക്കാ​ൾ വി​ല കു​റ​വാ​ണെ​ങ്കി​ലും ക​മ്പ​നി​യു​ടെ ബ്രാ​ൻ​ഡ് വാ​ല്യു ത​ങ്ങ​ൾ​ക്ക് തി​രി​ച്ച​ടി​യു​ണ്ടാ​ക്കു​മെ​ന്നാ​യി​രു​ന്നു ന​ന്ദി​നി​യു​​ടെ വാ​ദം.

അ​തേ​സ​മ​യം, പാ​ലും തൈ​രും ഓ​ൺ​ലൈ​ൻ ചാ​ന​ലു​ക​ൾ വ​ഴി മാ​ത്ര​മേ വി​ൽ​ക്കു​ക​യു​ള്ളൂ​വെ​ന്നും സം​സ്ഥാ​ന സ​ർ​ക്കാ​ർ സ​ബ്‌​സി​ഡി കാ​ര​ണം വ​ള​രെ വി​ല​കു​റ​ഞ്ഞ ന​ന്ദി​നി പാ​ലു​മാ​യി മ​ത്സ​ര​മി​ല്ലെ​ന്നും അ​മു​ൽ സി.​ഇ.​ഒ ഉ​റ​പ്പ് ന​ൽ​കി​യി​രു​ന്നു​വെ​ന്നും മോ​ഹ​ൻ പ​റ​ഞ്ഞു.