തിരുവനന്തപുരം: സേവാ ട്രെയിന് കേരളത്തിനും അനുവദിക്കണമെന്ന് സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണൻ ആവശ്യപ്പെട്ടു. തിരക്കുള്ള റൂട്ടുകളിലെ യാത്രദുരിതം പരിഹരിക്കാനാണ് സേവാ ട്രെയിനുകള് ഏര്പ്പെടുത്തുന്നത്. ചൊവ്വാഴ്ച ആരംഭിച്ച ട്രെയിനുകളില് മൂന്നെണ്ണം സേലം ഡിവിഷന് അനുവദിച്ചിട്ടും ഒരെണ്ണം പോലും കേരളത്തിന് നല്കിയില്ല. യാത്രക്കാരുടെ തിരക്ക് ഏറെയുണ്ടായിട്ടും കേരളത്തില് സേവാ ട്രെയിന് അനുവദിക്കാത്തത് പ്രതിഷേധാര്ഹമാണ്. കേരളത്തിൻെറ റെയില്വേ വികസനത്തിനായി പ്രഖ്യാപിച്ച പദ്ധതികള്ക്കാവശ്യമായ പണം അനുവദിക്കുന്നില്ല. കേരളത്തോട് കടുത്ത അവഗണനയാണ് കേന്ദ്രസര്ക്കാര് കാണിക്കുന്നത്. ഇതിനെതിരെ ശക്തമായ പ്രതിഷേധം ഉയരണം. കേരളത്തില് റെയില്വേ രംഗത്ത് വികസനം പാടില്ലെന്ന സങ്കുചിത രാഷ്ട്രീയ നിലപാട് കേന്ദ്രസര്ക്കാര് ഉപേക്ഷിക്കണമെന്നും അദ്ദേഹം പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.