കല്ലമ്പലം: ദേശീയപാതയിൽ തോട്ടയ്ക്കാട് പാലം ജങ്ഷനിൽ സ്വകാര്യ ബസുകൾ നിർത്തുന്നില്ലെന്ന് പരാതി. കല്ലമ്പലം ഭാഗത്തുനിന്ന് ആറ്റിങ്ങലിലേക്ക് പോകുന്ന ബസുകൾ കടുവയിൽപള്ളി സ്റ്റോപ്പിൽ നിർബന്ധപൂർവം ആളെ ഇറക്കിയശേഷം തോട്ടയ്ക്കാട് ജങ്ഷനിൽ യാത്രക്കാർ കൈകാണിച്ചാലും നിർത്താറില്ലെന്നാണ് പരാതി. ആറ്റിങ്ങൽ ഭാഗത്ത് നിന്നുള്ള ബസുകൾ കെ.ടി.സി.ടി ആശുപത്രി ജങ്ഷനിൽ ആളെ ഇറക്കി തോട്ടയ്ക്കാട് ജങ്ഷനിൽ നിർത്താതെ പോവുകയാണ്. കെ.എസ്.ആർ.ടി.സി വേണാട് ബസുകളുമായി മത്സരിച്ച് ഓടുന്നതും രണ്ടുവശങ്ങളിലും പൊതുവേ ഇറക്കമായതിനാലുമാണ് സ്വകാര്യ ബസുകൾ നിർത്താത്തതെന്നാണ് പരാതി. ബസ് നിർത്താൻ ആവശ്യപ്പെടുമ്പോൾ യാത്രക്കാരോട് അപമര്യാദയായി പെരുമാറുന്നതായും പരാതിയുണ്ട്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.