പൊങ്കാല കഴിഞ്ഞുമണിക്കൂറുകൾക്കകം തലസ്ഥാനം ‘ക്ലീൻ സിറ്റി’

തി​രു​വ​ന​ന്ത​പു​രം: ന​ഗ​ര​വും പ​രി​സ​ര​വും വൃ​ത്തി​യാ​ക്കി കോ​ർ​പ​റേ​ഷ​ൻ ജീ​വ​ന​ക്കാ​ർ​ക്കൊ​പ്പം ഹ​രി​ത​ക​ർ​മ സേ​ന​യും. പൊ​ങ്കാ​ല നി​വേ​ദ്യം ക​ഴി​ഞ്ഞ് ഉ​ച്ച​ക്ക് 2.30ഓ​ടെ​യാ​ണ്​ ന​ഗ​ര​ത്തി​ൽ ശു​ചീ​ക​ര​ണ പ്ര​വ​ർ​ത്ത​നം ആ​രം​ഭി​ച്ച​ത്. 1200 സ്ഥി​രം തൊ​ഴി​ലാ​ളി​ക​ളും 1400 താ​ൽ​ക്കാ​ലി​ക ജീ​വ​ന​ക്കാ​രും വ​ള​ണ്ടി​യ​ർ​മാ​രും ഉ​ൾ​പ്പെ​ടെ 3,470 പേ​ർ ചേ​ർ​ന്ന് ശു​ചീ​ക​ര​ണ പ്ര​വ​ർ​ത്ത​ന​ങ്ങ​ൾ സ​ജീ​വ​മാ​യ​തോ​ടെ രാ​ത്രി​യോ​ടെ ന​ഗ​രം പൂ​ർ​ണ​മാ​യി പ​ഴ​യ പ്ര​ഭ​യി​ലേ​ക്ക് തി​രി​ച്ചെ​ത്തി.

പൊ​ങ്കാ​ല അ​ടു​പ്പു​ക​ൾ​ക്കാ​യി ഭ​ക്ത​ർ ഉ​പ​യോ​ഗി​ച്ച ഇ​ഷ്ടി​ക ന​ഗ​ര​സ​ഭ നേ​രി​ട്ട് ശേ​ഖ​രി​ക്കു​ന്ന പ്ര​വ​ർ​ത്ത​ന​ങ്ങ​ൾ ആ​രം​ഭി​ച്ചു. ഇ​വ മു​ൻ വ​ർ​ഷ​ങ്ങ​ളി​ലെ പോ​ലെ നി​ർ​ധ​ന കു​ടും​ബ​ങ്ങ​ളു​ടെ വീ​ട് നി​ർ​മാ​ണ​ത്തി​നാ​യി ന​ൽ​കാ​നാ​ണ് തീ​രു​മാ​നം. ചു​ടു​ക​ട്ട​ക​ൾ ശേ​ഖ​രി​ക്കാ​നാ​യി മാ​ത്രം 350 വാ​ഹ​ന​ങ്ങ​ളാ​ണ് സ​ജ്ജീ​ക​രി​ച്ച​ത്. 130 ആ​രോ​ഗ്യ വി​ഭാ​ഗം ഉ​ദ്യോ​ഗ​സ്ഥ​രു​ടെ മേ​ൽ​നോ​ട്ട​ത്തി​ൽ രാ​ത്രി​യോ​ടെ 35 ടാ​ങ്ക​ർ ലോ​റി ഉ​പ​യോ​ഗി​ച്ച് പ്ര​ധാ​ന റോ​ഡു​ക​ൾ ക​ഴു​കി വൃ​ത്തി​യാ​ക്കി. ഏ​ക​ദേ​ശം 400 ട​ണ്ണോ​ളം മാ​ലി​ന്യ​മാ​ണ് ന​ഗ​ര​ത്തി​ൽ നി​ന്ന് നീ​ക്കം ചെ​യ്ത​ത്. 2018 മു​ത​ൽ കോ​ർ​പ​റേ​ഷ​ൻ ന​ട​പ്പി​ലാ​ക്കു​ന്ന പ​ദ്ധ​തി​യി​ലൂ​ടെ ക​ഴി​ഞ്ഞ വ​ർ​ഷം വ​രെ 17 വീ​ടു​ക​ളു​ടെ നി​ർ​മാ​ണ​ത്തി​ന് ഇ​ഷ്ടി​ക ന​ൽ​കി​യി​രു​ന്നു. ഇ​ത്ത​വ​ണ മൂ​ന്ന് ല​ക്ഷ​ത്തോ​ളം ഇ​ഷ്ടി​ക ല​ഭി​ക്കു​മെ​ന്നാ​ണ് ക​ണ​ക്കു​കൂ​ട്ട​ൽ. ലൈ​ഫ് മി​ഷ​ൻ ഉ​ൾ​പ്പെ​ടെ​യു​ള്ള ഭ​വ​ന പ​ദ്ധ​തി​ക​ളി​ൽ അ​പേ​ക്ഷി​ച്ച അ​ർ​ഹ​രാ​യ ഗു​ണ​ഭോ​ക്താ​ക്ക​ൾ​ക്കാ​യി​രി​ക്കും ഇ​വ ന​ൽ​കു​ക.