തിരുവനന്തപുരം: ഒളിമ്പ്യൻ മേഴ്സിക്കുട്ടൻ സ്പോർട്സ് കൗൺസിൽ സംസ്ഥാന പ്രസിഡൻറായി ചുമതലയേറ്റു. നല്ല ടീമായി പ്രവർത്തനങ്ങൾ മുന്നോട്ടുകൊണ്ടുപോകുമെന്ന് അവർ മാധ്യമ പ്രവർത്തകരോട് പറഞ്ഞു. നേരത്തേ തുടങ്ങിയ പല പദ്ധതികളും പൂർത്തിയാക്കാനുണ്ട്. അതെല്ലാം പൂർത്തീകരിക്കും. മികച്ച പ്രതിഭകളെ കണ്ടെത്തി പരിശീലനം നൽകും. വെറുതെ കുറെ ഹോസ്റ്റലുകൾ നടത്തിയിട്ട് കാര്യമില്ല. ആർക്കും പരിശോധിക്കാവുന്ന വിധത്തിൽ ഹോസ്റ്റലുകളിലെ പ്രവർത്തനം സുതാര്യമാക്കും. സർട്ടിഫിക്കറ്റുകളെല്ലാം ഓൺലൈൻ വഴിയാക്കുമെന്നും അവർ പറഞ്ഞു. ബോർഡ് അംഗങ്ങളായ എം.ആർ. രജിത്, സുനിൽകുമാർ തുടങ്ങിയവരും പങ്കെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.