തൃശൂർ: മൂന്ന് വയസ്സുകാരിയെ ലൈംഗികമായി പീഡിപ്പിച്ച യുവാവിന് അഞ്ച് വർഷം കഠിന തടവും 5,000 രൂപ പിഴയും പോക്സോ കോടതി ശിക്ഷ വിധിച്ചു. എടവിലങ്ങ് നടവരമ്പ് കുനിയാറ സന്തോഷിനെയാണ് (സുബ്രഹ്മണ്യൻ -40) തൃശൂര് പോക്സോ സ്പെഷല് സെഷന്സ് കോടതി ജഡ്ജി മുഹമ്മദ് വസീം ശിക്ഷിച്ചത്. ഗവ. വിക്ടിം കോമ്പന്സേഷന് ഫണ്ടില്നിന്ന് ഇരക്ക് 50,000- രൂപ നഷ്ടപരിഹാരം നല്കാനും കോടതി ഉത്തരവിട്ടു. 2015 സെപ്റ്റംബർ 12നാണ് കേസിനാസ്പദമായ സംഭവം. തൃശൂരിലെ പോക്സോ കേസുകളുടെ റിപ്പോര്ട്ടനുസരിച്ച് ഏറ്റവും പ്രായം കുറഞ്ഞ ഇരയാണിത്. അസുഖം ബാധിച്ച് ഡോക്ടര് പരിശോധിച്ചപ്പോഴാണ് സംഭവം പുറത്തായത്. പിഞ്ചു ബാലികയെ നിര്ദാക്ഷിണ്യം പീഡനത്തിനു വിധേയമാക്കിയ പ്രതി ഒരു ദയയും അര്ഹിക്കുന്നില്ലെന്ന് പോക്സോ സ്പെഷല് പബ്ലിക്ക് പ്രോസിക്യൂട്ടര് വാദിച്ചു. കൊടുങ്ങല്ലൂര് പൊലീസാണ് കേസ് രജിസ്റ്റര് ചെയ്ത് കുറ്റപത്രം സമര്പ്പിച്ചത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.