അഴീക്കോട്: ചെണ്ടമേളം അരങ്ങേറ്റത്തിൽ വിസ്മയം തീർത്ത് എട്ടംഗ ബാലസംഘം. കൊട്ടിക്കൽ ക്ഷേത്രനടയിൽ ചൊവ്വാഴ്ച ദീപാരാധന വേളയിലാണ് ഒമ്പതു വയസ്സുകാരായ എട്ട് കുട്ടികൾ അരങ്ങേറ്റം കുറിച്ചത്. കൂട്ടുകാർക്കൊപ്പം അരങ്ങേറ്റം കുറിച്ചവരിൽ നാലാം ക്ലാസ് വിദ്യാർഥി ഈരെഴുത്ത് മുഹമ്മദ് റാഫിയുടെ മകൻ നിഹാസുമുണ്ടായി. എം.ജി. ജിതിൻ, കെ.എസ്. ഗോപകുമാർ, ഇ.പി. ആദിത്യൻ, സി.ആർ. അഭിനവ്, സി.എസ്. ശ്രീരാഗ്, എം.എസ്. ശ്രീരാജ്, കെ.ബി. അലൻ എന്നിവരാണ് നിഹാസിനൊപ്പം അരങ്ങേറ്റം നടത്തിയത്. രണ്ടു മാസമായി സ്കൂൾ സമയം കഴിഞ്ഞാണ് കുട്ടികൾ പരിശീലിച്ചിരുന്നത്. മേളവിദ്വാൻ മേത്തല ചഞ്ചൽകുമാറിെൻറ ശിക്ഷണത്തിലാണ് ഇവർ ചെണ്ട അഭ്യസിച്ചത്. ഉത്സവ പ്രതീതി പകർന്ന കുട്ടികളുടെ പ്രകടനത്തിന് പ്രോത്സാഹനവുമായി നാട്ടുകാരുടെ കൂട്ടായ്മയായ കൊട്ടിക്കൽസും സാക്ഷികളായി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.