മേത്തല:- ദേശീയപാത 17-ൽ കെ.എസ്.ആർ.ടി.സി ബസിന് പിറകിൽ സ്വകാര്യ ബസ് ഇടിച്ച് മൂന്ന് പേർക്ക് പരിക്കേറ്റു. ദേശീയ പാതയിൽ ശിൽപി ബസ്സ്റ്റോപ്പിൽ ഞായറാഴ്ച രാവിലെ എട്ടിനാണ് സംഭവം. കൊടുങ്ങല്ലൂർ -പറവൂർ റൂട്ടിൽ ഓടുന്ന 'ന്യൂവ' എന്ന സ്വകാര്യ ബസിലെ ഡ്രൈവർ സന്ദീപ്, കണ്ടക്ടർ രതീഷ്, ക്ലീനർ അയ്യപ്പൻ എന്നിവർക്കാണ് പരിക്കേറ്റത്. മൂവരെയും സമീപത്തെ സ്വകാര്യ ആശുപത്രിയിൽ പ്രവേശിപ്പിച്ചു. കെ.എസ്.ആർ.ടി.സി ബസിെൻറ പിറകിൽ ഇടിച്ച സ്വകാര്യ ബസ് സമീപത്ത വൈദ്യുതി തൂണിൽ ഇടിച്ചതിനെ തുടർന്ന് പോസ്റ്റ് ഒടിഞ്ഞു. ഉടൻ വൈദുതി നിലച്ചതിനാൽ വൻ അപകടം ഒഴിവായി. പൊലീസും കെ.എസ്.ഇ.ബി ജീവനക്കാരും സ്ഥലത്തെത്തി. അഞ്ച് മണിക്കൂറിന് ശേഷമാണ് വൈദ്യുതി ബന്ധം പുനഃസ്ഥാപിക്കാനായത്. അപകടത്തിൽ ബസിെൻറ മുൻവശം തകർന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.