പാലക്കാട്: കേന്ദ്ര തൊഴില് ഉദ്യോഗ മന്ത്രാലയം, പാലക്കാട് നഗരസഭ, റോട്ടറി ക്ളബ് എന്നിവയുടെ ആഭിമുഖ്യത്തില് വിക്ടോറിയ കോളജില് ശനിയാഴ്ച മെഗാ ജോബ് ഫെയര് നടക്കും. അഞ്ചാം ക്ളാസ് യോഗ്യതയുള്ളവര് മുതല് പി.ജി ഡോക്ടര്മാര് വരെ മൂവായിരത്തിലധികം ഒഴിവുകളിലേക്കാണ് ജോബ് ഫെയര് നടക്കുന്നതെന്ന് സബ് റീജനല് എംപ്ളോയ്മെന്റ് ഓഫിസര് അറിയിച്ചു. രാവിലെ 9.30ന് തുടങ്ങുന്ന ജോബ് ഫെയര് എം.ബി. രാജേഷ് എം.പി ഉദ്ഘാടനം ചെയ്യും. പാലക്കാട് നഗരസഭാ ചെയര്പേഴ്സന് പ്രമീളാ ശശിധരന് അധ്യക്ഷത വഹിക്കും. ഷാഫി പറമ്പില് എം.എല്.എ മുഖ്യാതിഥിയാകും. രജിസ്ട്രേഷന് ഫോറം ജില്ലയിലെ ജി ടെക് സെന്ററുകളില്നിന്ന് സൗജന്യമായി ലഭിക്കും. പട്ടികജാതി വകുപ്പിന്െറ വിവിധ സഹായങ്ങളെപ്പറ്റിയും ഭിന്നശേഷിയുള്ളവരുടെ പുനരധിവാസത്തെപ്പറ്റിയും കേന്ദ്രസര്ക്കാറിന്െറ വിവിധ സഹായ പദ്ധതികളെപ്പറ്റിയും ഉദ്യോഗസ്ഥര് ക്ളാസെടുക്കും. ഫോണ്: 9349554588, 9495746866.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.