3081 കേന്ദ്രങ്ങളിൽ കോൺഗ്രസ് പ്രതിഷേധം പാലക്കാട്: തൊഴിൽ നഷ്ടപ്പെട്ട് നാട്ടിലേക്ക് മടങ്ങുന്ന പ്രവാസികളുടെ വിമാന ടിക്കറ്റ് ചാർജ് സർക്കാർ വഹിക്കണമെന്ന് വി.കെ. ശ്രീകണ്ഠൻ എം.പി. പ്രവാസികളോടുള്ള കേന്ദ്ര-സംസ്ഥാന സർക്കാറുകളുടെ അലംഭാവം അവസാനിപ്പിക്കണമെന്ന് ആവശ്യപ്പെട്ട് കെ.പി.സി.സി. ആഹ്വാനം ചെയ്ത 'പ്രവാസികൾക്കായി ഒരു തിരിനാളം' പ്രതിഷേധ സമരം പാലക്കാട് സിവിൽ സ്റ്റേഷൻ ബൂത്തിൽ ഉദ്ഘാടനം ചെയ്യുകയായിരുന്നു അദ്ദേഹം. പാലക്കാട് സൗത്ത് മണ്ഡലം പ്രസിഡൻറ് എം.എച്ച്. നാസർ അധ്യക്ഷത വഹിച്ചു. ജില്ലയിലെ 3081 കേന്ദ്രങ്ങളിലാണ് പ്രതിഷേധ സമരം നടന്നത്. തൃത്താലയിൽ വി.ടി. ബൽറാം എം.എൽ.എ, ചാലിശ്ശേരിയിൽ മുൻ ഡി.സി.സി. പ്രസിഡൻറ് സി.വി. ബാലചന്ദ്രൻ, കരിങ്ങനാട് കെ.പി.സി.സി. വൈസ് പ്രസിഡൻറ് സി.പി. മുഹമ്മദ്, പട്ടാമ്പിയിൽ ഷാഫി പറമ്പിൽ എം.എൽ.എ., തിരുനെല്ലായിൽ യു.ഡി.എഫ് ജില്ല ചെയർമാൻ എ. രാമസ്വാമി, മലമ്പുഴയിൽ കെ.പി.സി.സി. ജനറൽ സെക്രട്ടറി സി. ചന്ദ്രൻ, കുഴൽമന്ദത്ത് കെ.പി.സി.സി. ജനറൽ സെക്രട്ടറി എ. തങ്കപ്പൻ, തത്തമംഗലത്ത് മുൻ എം.എൽ.എ. കെ. അച്യുതൻ, കൊല്ലങ്കോട് മുൻ എം.എൽ.എ. കെ.എ. ചന്ദ്രൻ, എരിമയൂരിൽ മുൻ എം.പി. വി.എസ്. വിജയരാഘവൻ, വടക്കഞ്ചേരിയിൽ മുൻ മന്ത്രി വി.സി. കബീർ, ആലത്തൂരിൽ രമ്യ ഹരിദാസ് എം.പി. എന്നിവർ സമരം ഉദ്ഘാടനം ചെയ്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.