അഗളി: അട്ടപ്പാടിയിൽ വിൽപനക്കായി എത്തിച്ച 500 ലിറ്റർ വിദേശമദ്യം എക്സൈസ് സംഘം പിടികൂടി. സംഭവത്തിൽ ഒമ്മല സ്വദേശി പുതുപ്പറമ്പിൽ സജിമോനെ (44) എക്സൈസ് സംഘം കസ്റ്റഡിയിലെടുത്തു. 100 കുപ്പികളിലായി വീടിെൻറ പരിസരത്ത് കുഴിച്ചിട്ട നിലയിലാണ് മദ്യം കണ്ടെത്തിയത്. ഷാജിയുടെ പേരിൽ അബ്കാരി കേസ് എടുത്ത് അന്വേഷണം ആരംഭിച്ചു. അട്ടപ്പാടിയിൽ മദ്യം വ്യാപകമായി എത്തുന്നുവെന്ന് മനസ്സിലാക്കിയ സംഘം കോട്ടത്തറ, മട്ടത്തുക്കാട്, ആനക്കട്ടി, ഷോളയൂർ, ചിറ്റൂർ, കാരറ, ജെല്ലിപ്പാറ എന്നിവിടങ്ങളിൽ റെയ്ഡ് നടത്തി. അസി. എക്സൈസ് ഇൻസ്പെക്ടർ ശങ്കർ പ്രസാദിെൻറ നേതൃത്വത്തിൽ പി.ഒ. ബോസ് വെൽ, സി.ഇ.ഒ ആർ. പ്രദീപ്, ഇ. പ്രമോദ്, രാജീവ്, അഖിൽ, രാജൻ, മുജീബ് റഹ്മാൻ എന്നിവർ റെയ്ഡിൽ പങ്കെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.