പാലക്കാട്: ഇന്ത്യ പോസ്റ്റ് പേമെൻറ് ബാങ്ക് പ്രധാനമന്ത്രി നരേന്ദ്ര മോദി വിഡിയോ കോൺഫറൻസ് വഴി പാലക്കാട്ട് ഉദ്ഘാടനം ചെയ്തു. ഇതോടെ പേമെൻറ് ബാങ്ക് ജില്ലയിൽ പ്രവർത്തനം ആരംഭിച്ചു. ഉദ്ഘാടനം തത്സമയം വീക്ഷിക്കാൻ പാലക്കാട് മുഖ്യ തപാലാപ്പീസിൽ എൽ.സി.ഡി സംവിധാനം ഒരുക്കിയിരുന്നു. നിലവിലുള്ള പോസ്റ്റല് സേവിങ് സ്കീം അതേപടി നിലനിര്ത്തിയാണ് ആർ.ബി.ഐയുടെ ഗൈഡ്ലൈനില് പേമെൻറ് ബാങ്ക് സർവിസും പോസ്റ്റല് ഡിപ്പാർട്മെൻറ് ആരംഭിച്ചത്. വാഹന, ഭവന വായ്പകള് നല്കാനാകില്ലെങ്കിലും മറ്റ് ബാങ്കുകളുടെ വായ്പ പദ്ധതികള് ഉപഭോക്താക്കള്ക്ക് നല്കാന് ഇന്ത്യ പോസ്റ്റ് പേമെൻറ്സ് ബാങ്കിന് കഴിയും. കത്തുകള്ക്കൊപ്പം മൊബൈല് ബാങ്കിങ് ഉള്പ്പെടെയുള്ള സേവനങ്ങള് ഗ്രാമങ്ങളില് വീട്ടുമുറ്റത്ത് എത്തും. പോസ്റ്റ് ഓഫിസുകളിലെ സേവിങ്സ് സ്കീമിന് എ.ടി.എം കാര്ഡുകള് ഏര്പ്പെടുത്തി പുതിയ മുഖം നല്കിയതിന് പിന്നാലെയാണ് ഡിജിറ്റല് ബാങ്കിങ് ഇടപാടുകള്ക്കായി പേമെൻറ് ബാങ്കും തപാല് വകുപ്പ് ആരംഭിച്ചത്. ഒന്നര ലക്ഷത്തിലധികം പോസ്റ്റ് ഓഫിസുകളിലൂടെ ഡിജിറ്റല് ബാങ്കിങ് സേവനങ്ങള് ഏര്പ്പെടുത്തുമ്പോള് രാജ്യത്തെ ഏറ്റവും വലിയ ബാങ്കിങ് ശൃംഖലയായി പോസ്റ്റ് ഓഫിസ് മാറും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.