വീടുകളിൽ ഒളിഞ്ഞുനോക്കുന്നയാൾ പിടിയിൽ എടവണ്ണ: വീടുകളിൽ ഒളിഞ്ഞുനോട്ടം പതിവാക്കിയ യുവാവിനെ നാട്ടുകാർ പിടികൂടി. പന്നിപ്പാറയിൽ മണ്ണുമാന്തിയന്ത്രത്തിെൻറ ഡ്രൈവറായി ജോലി ചെയ്യുന്ന മൈസൂർ സാംരാജ് നഗർ സ്വദേശി രാജയെയാണ് (28) പിടികൂടിയത്. ഒന്നര മാസമായി പന്നിപ്പാറ ഹൈസ്കൂളിന് സമീപത്തെ വീടുകളിൽ ഇയാളുടെ ശല്യം വർധിച്ചിരുന്നു. നാട്ടുകാർ കാവലിരുെന്നങ്കിലും ആളെ പിടികൂടാനായില്ല. ഇതിനിടെ രാജയെ സംശയകരമായ രീതിയിൽ ഒരു വീടിന് സമീപം കണ്ടെങ്കിലും ഇരുട്ടിെൻറ മറവിൽ ഒാടിരക്ഷപ്പെട്ടു. രണ്ടാഴ്ചയായി സ്ഥലത്തില്ലാതിരുന്ന ഇയാൾ വ്യാഴാഴ്ച തിരിച്ചെത്തിയതോടെ പിടികൂടുകയായിരുന്നു. എടവണ്ണ പൊലീസ് സ്ഥലത്തെത്തി കസ്റ്റഡിയിലെടുത്ത് മഞ്ചേരി മെഡിക്കൽ കോളജ് ആശുപത്രിയിൽ പരിശോധന നടത്തി. പന്നിപ്പാറയിലെ യുവതിയുടെ പരാതിയിൽ എടവണ്ണ പൊലീസ് കേസെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.