വള്ളിക്കുന്ന്: തെന്നിന്ത്യൻ താരം ശരത്കുമാർ ഗുരുതി ദർപ്പണത്തിനായി വള്ളിക്കുന്നിലെ മേക്കോട്ട ഭഗവതി ക്ഷേത്രത്തിലെത്തി. ഭാര്യയും നടിയുമായ രാധികയോടൊപ്പമാണ് മുൻ എം.പികൂടിയായ നടനെത്തിയത്. പരിവേഷങ്ങളില്ലാതെയെത്തിയ താരങ്ങളെ അടുത്തു കാണാൻ നിരവധി ആരാധകരും ക്ഷേത്രാങ്കണത്തിൽ എത്തിയിരുന്നു. ചരിത്രപ്രസിദ്ധമായ നെറുങ്കൈതകോട്ട മേക്കോട്ട ഭഗവതി ക്ഷേത്രത്തിലെ പ്രധാന വഴിപാടാണ് ഗുരുതി ദർപ്പണം. വെളിച്ചപ്പാട് എ.ആർ. ഹരിഹരസുതൻ ഗുരുതിദർപ്പണം നടത്തി. സാമൂതിരിരാജയുടെ പേഴ്സനൽ സെക്രട്ടറി ടി.ആർ. രാമവർമ, ലീഗൽ അഡ്വൈസർ ഗോവിന്ദ് ചന്ദ്രശേഖർ, ക്ഷേത്രം എക്സിക്യൂട്ടീവ് ഓഫിസർ സംഗമേഷ് വർമ, പി.എം. മനോജ് കുമാർ, ക്ഷേത്രസംരക്ഷണ സമിതി ഭാരവാഹികൾ, ജീവനക്കാർ എന്നിവർ സ്വീകരിച്ചു. തളിപ്പറമ്പ് രാജരാജേശ്വരി ക്ഷേത്രദർശനം കഴിഞ്ഞെത്തിയ ഇരുവരും മേക്കോട്ട അയ്യപ്പക്ഷേത്രത്തിലും ദർശനം നടത്തി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.