വടക്കഞ്ചേരി: വിദേശത്ത് ജോലി വാഗ്ദാനം ചെയ്ത് പണം തട്ടിയ കേസിൽ പൊന്നാനി വെളിയേങ്കാട് തെണ്ടലത്ത് അനിലിനെ (38) വടക്കഞ്ചേരി പൊലീസ് അറസ്റ്റ് ചെയ്തു. വടക്കഞ്ചേരി സ്വദേശി അക്ബറിെൻറ പരാതിയിലാണ് പിടികൂടിയത്. ദുബൈ വിമാനത്താവളത്തിൽ ജോലി വാഗ്ദാനം ചെയ്ത് എട്ടുപേരിൽ നിന്നായി ലക്ഷത്തോളം രൂപയാണ് അനിൽ തട്ടിയത്. ഇയാളുടെ അക്കൗണ്ടിലേക്ക് കഴിഞ്ഞ നവംബർ, ഡിസംബർ മാസങ്ങളിലായാണ് ഇവർ പണം നിക്ഷേപിച്ചത്. മാസങ്ങൾ കാത്തിരുന്നിട്ടും വിസ ലഭിക്കാത്തതിനെ തുടർന്നാണ് പൊലീസിൽ പരാതി നൽകിയത്. വടക്കഞ്ചേരി സി.ഐ ദീപകുമാർ, എസ്.ഐ ആദംഖാൻ, സ്പെഷൽ സ്ക്വാഡ് അംഗങ്ങളായ റഹീംമുത്ത്, സന്ദീപ്, ദിലീപ് എന്നിവരടങ്ങിയ സംഘം പൊന്നാനിയിൽ നിന്നാണ് അനിലിനെ പിടികൂടിയത്. സമാന രീതിയിൽ മുവാറ്റുപുഴ, ആലുവ മേഖലകളിലും ഇയാൾ തട്ടിപ്പ് നടത്തിയതായി പൊലീസ് പറഞ്ഞു. പ്രതിയെ ആലത്തൂർ കോടതിയിൽ ഹാജരാക്കി റിമാൻഡ് ചെയ്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.