പരപ്പനങ്ങാടി: ഫുട്ബാൾ വേൾഡ് കപ്പിന് ആവേശമാക്കി പരപ്പനങ്ങാടി ശിഹാബ് തങ്ങൾ മെമ്മോറിയൽ കോളജ് വിദ്യാർഥി കൂട്ടായ്മ വേൾഡ് കപ്പ് 'ഫ്രൻഡ്ലി കിക്കോഫ് -2018' ഫുട്ബാൾ മത്സരം സംഘടിപ്പിച്ചു. പ്രീകോർട്ടറിൽ പ്രവേശിച്ച പ്രമുഖ നാല് ടീമുകളായ അർജൻറീന-ബ്രസീൽ, പോർച്ചുഗൽ-സ്പെയിൻ എന്നിവർ തമ്മിൽ നടന്ന മത്സരത്തിലെ ഫൈനലിൽ അർജൻറീനയും പോർച്ചുഗലും തമ്മിൽ ഏറ്റുമുട്ടി. രണ്ടിനെതിരെ മൂന്ന് ഗോളുകൾക്ക് പോർച്ചുഗൽ അർജൻറീനയെ പരാജയപ്പെടുത്തി. പി.പി. നൗഫൽ, കെ.കെ. സിദ്ദീഖ്, കെ.ടി. നിഹാൽ എന്നിവർ കളി നിയന്ത്രിച്ചു. മത്സരത്തിലെ വിജയികൾക്കുള്ള ട്രോഫിയും കാഷ് പ്രൈസും പരപ്പനങ്ങാടി അഡീഷനൽ എസ്.െഎ അനിൽ കുമാർ നൽകി. കോളജ് പ്രിൻസിപ്പൽ ഷാഹുൽ ഹമീദ് അധ്യക്ഷത വഹിച്ചു. റഹൂഫ്, അധ്യാപകരായ അമീറലി, റിയാസ്, നൗഫൽ, റബിഷിത്ത് എന്നിവർ സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.