കാളികാവ്: തലമുറകള്ക്ക് മത വൈജ്ഞാനിക അക്ഷരം പകര്ന്നേകിയ പള്ളിശ്ശേരി റബീഉല് ഇസ്ലാം മദ്റസ ഇനി ഹൈടെക്. നാട്ടുകാരനും ഖത്തര് പി.കെ സ്റ്റാര് ഗ്രൂപ് എം.ഡിയുമായ പി.കെ. മുസ്തഫ ഹാജിയുടെ സഹായത്താലാണ് 50 ലക്ഷം രൂപ മുടക്കി ഹൈടെക് ആക്കുന്നത്. പദ്ധതിയുടെ പ്രവര്ത്തനോദ്ഘാടനം ഞായറാഴ്ച പണക്കാട് സാദിഖലി ശിഹാബ് തങ്ങള് നിർവഹിക്കും. കെ.ഇ.ആര് പ്രകാരമുള്ള ക്ലാസ് മുറികള്, സ്മാര്ട്ട് ക്ലാസ് റൂം, മിനി ഓഡിറ്റോറിയം, ഓപണ് സ്റ്റേജ്, വിദ്യാർഥി സൗഹൃദ ശുചിമുറികള് തുടങ്ങിയവയാണ് പദ്ധതിയില് വിഭാവനം ചെയ്യുന്നതെന്ന് ഭാരവാഹികള് വാര്ത്തസമ്മേളനത്തില് അറിയിച്ചു. പി.കെ. മുസ്തഫ ഹാജി, ട്രസ്റ്റ് സെക്രട്ടറി കെ. അസ്ലം മാസ്റ്റര്, ടി. ജാഫര് അലി, അബ്ദുല് കരീം ഫൈസി, കുഞ്ഞുട്ടി തങ്ങള് എന്നിവരും സംബന്ധിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.