ഈങ്ങാപ്പുഴ: കോഴിക്കോട്, വയനാട് ജില്ലകളെ തമ്മില് ബന്ധിപ്പിക്കുന്ന താമരശ്ശേരി ചുരത്തിലൂടെയുള്ള ചരക്കുവാഹനങ്ങളുടെ നിരോധനം കോഴിക്കോട് ജില്ലാ കലക്ടര് താല്ക്കാലികമായി പിന്വലിച്ചു. ടൂറിസ്റ്റ് ബസുകളുടെ നിരോധനവും ഇതോടൊപ്പം പിന്വലിച്ചിട്ടുണ്ട്. 15 ടണ് മൊത്തം ഭാരമുള്ളതും ആറു ചക്രങ്ങളില് കൂടുതലുള്ളതുമായ ചരക്കുവാഹനങ്ങള്ക്കാണ് യാത്രാനുമതി ലഭിച്ചിട്ടുള്ളത്. കഴിഞ്ഞ ജൂണ് 14നുണ്ടായ ശക്തമായ മഴയില് ചിപ്പിലിത്തോടിനടുത്ത് ചുരത്തില് റോഡിടിഞ്ഞതിനെ തുടര്ന്നായിരുന്നു ഗതാഗതം നിരോധിച്ചത്. താല്ക്കാലികമായി നന്നാക്കിയ റോഡിലൂടെ കെ.എസ്.ആര്.ടി.സി അടക്കമുള്ള യാത്രാ ബസുകള്ക്കും ചെറിയ വാഹനങ്ങള്ക്കുമായിരുന്നു നേരത്തേ സഞ്ചരിക്കാന് അനുമതി നല്കിയിരുന്നത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.