മലപ്പുറം: ലോക്സഭ ഉപതെരഞ്ഞെടുപ്പുമായി ബന്ധപ്പെട്ട് പെരുമാറ്റചട്ട ലംഘനം സംബന്ധിച്ച പരാതി ഓൺലൈനായി നൽകാൻ ഇ^പരിഹാര സോഫ്റ്റ്വെയർ തയാറായി. ജനങ്ങൾക്കും രാഷ്ട്രീയ കക്ഷികൾക്കും ഐ.ടി മിഷൻ തയാറാക്കിയ ഈ സോഫ്റ്റ്വെയർ വഴി പരാതി നൽകാം. e-pariharam. kerala.gov.in വിലാസത്തിലാണ് പരാതി നൽകേണ്ടത്. പരാതികൾ നേരിട്ട് ടൈപ്പ് ചെയ്യുകയോ എഴുതി സ്കാൻ ചെയ്ത് അപ്ലോഡ് ചെയ്യുകയോ ആവാം. തെരഞ്ഞെടുപ്പുമായി ബന്ധപ്പെട്ട വിവിധ ആവശ്യങ്ങൾക്ക് ഓൺലൈനായി അനുമതി നൽകുന്നതിനുള്ള സംവിധാനം ‘ഇ-അനുമതി’യും പ്രവർത്തന സജ്ജമാണ്. വാഹനങ്ങൾ, മൈക്ക് പെർമിഷൻ, പൊതുയോഗങ്ങൾ, റാലികൾ തുടങ്ങി എല്ലാ ആവശ്യങ്ങൾക്കും സോഫ്റ്റ്വെയർ വഴി അപേക്ഷ നൽകാം. e-anumathi.kerala.gov.in ആണ് വിലാസം. ഇത് സംബന്ധിച്ച് രാഷ്ട്രീയ പാർട്ടി പ്രതിനിധികൾക്ക് തെരഞ്ഞെടുപ്പ് വിഭാഗം പരിശീലനം നൽകി. എൻ.ഐ.സി ജില്ല ഓഫിസർ കെ.പി. പ്രതീഷ്, ജില്ല ഐ.ടി സെൽ കോഒാഡിനേറ്റർ എ.ഇ. ചന്ദ്രൻ തുടങ്ങിയവർ നേതൃത്വം നൽകി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.