കൊണ്ടോട്ടി: നഗരസഭ പരിധിയിൽ കൊതുക് നിയന്ത്രണ പ്രവർത്തനങ്ങൾ ഉൗർജിതമാക്കി. കഴിഞ്ഞ രണ്ടുദിവസവും ടൗണിൽ മുനിസിപ്പൽ ആരോഗ്യ വിഭാഗവും കൊണ്ടോട്ടി സി.എച്ച്.സിയും ചേർന്ന് ഫോഗിങ് നടത്തി. കൊതുക് സാന്ദ്രത കൂടുതലുള്ള മേഖലകളിലാണ് പുകക്കൽ നടത്തിയത്. മുനിസിപ്പാലിറ്റിയിലെ 15,000ത്തോളം വീടുകളിലും കൗൺസിലർമാരുടെ നേതൃത്വത്തിൽ ഉറവിട നശീകരണ പ്രവർത്തനങ്ങൾ നടത്തി. ഡെങ്കിപ്പനിക്കെതിരെ ലഘുലേഖകൾ വിതരണം ചെയ്യുകയും മൈക്ക് അനൗൺസ്മെൻറ് നടത്തുകയും ചെയ്തു. നഗരസഭ ചെയർമാൻ സി. നാടിക്കുട്ടി ഉദ്ഘാടനം ചെയ്തു. കൗൺസിലർമാരായ ചുക്കാൻ ബിച്ചു, കോട്ട അദ്നാൻ, റാഫി, ഹെൽത്ത് സൂപ്പർവൈസർ എം. അനിൽകുമാർ, ഹെൽത്ത് ഇൻസ്പെക്ർമാരായ കെ. അബ്ദുസ്സലാം, വി.പി. ദിനേശ് എന്നിവർ നേതൃത്വം നൽകി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.