മലപ്പുറം: സ്ത്രീ ശാക്തീകരണം എല്ലാവരിലും എത്തിക്കാൻ സംഗീത ശിൽപവുമായി വിദ്യാർഥിനികൾ. മൊറയൂർ വി.എ.എം.എച്ച്.എസിലെ ഹൈസ്കൂൾ വിദ്യാർഥിനികളാണ് മലപ്പുറം കോട്ടക്കുന്നിൽ കറുപ്പ് വസ്ത്രം അണിഞ്ഞും ബാൻറ് കെട്ടിയും പാട്ട് പാടിയും പരിപാടി അവതരിപ്പിച്ചത്. ‘ഇത് ഞങ്ങളുടെ ലോകം ഞങ്ങളുടെയും ഭൂമി’ മുദ്രാവാക്യത്തോടെയായിരുന്നു പരിപാടി. 17 അംഗ വിദ്യാർഥിനികളാണ് സംഘത്തിലുണ്ടായിരുന്നത്. സാമൂഹിക വകുപ്പിനു കീഴിൽ െഎ.സി.ഡി.എസ് അഡീഷനലിലെ സൂപ്പർവൈസർ ഷജിത ആറ്റശ്ശേരി പരിപാടി നയിച്ചു. മുനവ്വറലി ശിഹാബ് തങ്ങളടക്കം നിരവധി പേർ വിദ്യാർഥിനികളെ പ്രശംസിച്ചു. മാർച്ച് എട്ടിന് ലോക വനിത ദിനാചരണത്തോടനുബന്ധിച്ച് സാമൂഹിക വകുപ്പിെൻറ കീഴിൽ തിരുവനന്തപുരത്ത് നടന്ന പരിപാടിയിലും മൊറയൂരിലെ വിദ്യാർഥിനികൾ സംഗീത ശിൽപം അവതരിപ്പിച്ചിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.