കോഡൂര്: ഗെയില് പാചക വാതക പൈപ്പ് ലൈന് ജനവാസ കേന്ദ്രങ്ങളിലൂടെ കൊണ്ടു പോകുന്നതിനെതിരെ ഗ്രാമസഭയോഗങ്ങളില് പ്രതിഷേധം. കോഡൂര് ഗ്രാമപഞ്ചായത്തില് പൈപ്പ്ലൈന് കടന്നു പോകുന്ന വാര്ഡുകളില് ചേര്ന്ന യോഗങ്ങളിലാണ് പ്രതിഷേധം ഉയര്ന്നത്. ഗ്രാമപഞ്ചായത്തിലെ ഒമ്പത് വാര്ഡുകളിലെ മുന്നൂറോളം വീടുകളെ ബാധിക്കുന്നതാണ് നിര്ദിഷ്ട പദ്ധതി. സര്വേയില് മാറ്റം വരുത്തി ജനവാസ കേന്ദ്രങ്ങളെ ഒഴിവാക്കി പൈപ്പ്ലൈന് സ്ഥാപിക്കണമെന്നാണ് ഗ്രാമസഭകളുടെ ആവശ്യം. വലിയാട് സ്കൂളില് ചേര്ന്ന പത്താം വാര്ഡ് ഗ്രാമസഭായോഗം ഗ്രാമപഞ്ചായത്ത് പ്രസിഡന്റ് സി.പി. ഷാജി ഉദ്ഘാടനം ചെയ്തു. വിദ്യാഭ്യാസ സ്ഥിരം സമിതി അധ്യക്ഷന് കെ.എം. സുബൈര് അധ്യക്ഷത വഹിച്ചു. ഗെയില് പൈപ്പ് ലൈന് പദ്ധതി തടയണമെന്നാവശ്യപ്പെട്ട് കൊളക്കാട്ടില് മുഹമ്മദ്, മുഹമ്മദ് വില്ലന്, പി.പി. ഷരീഫ് എന്നിവര് പഞ്ചായത്ത് പ്രസിഡന്റ് സി.പി. ഷാജിക്ക് നിവേദനം നല്കി. ഒറ്റത്തറ 14ാം വാര്ഡ് ഗ്രാമസഭയില് പൈപ്പ് ലൈന് പദ്ധതി തടയണമെന്നാവശ്യപ്പെട്ട് പ്രമേയം പാസാക്കി. ഗ്രാമപഞ്ചായത്ത് പ്രസിഡന്റ് സി.പി. ഷാജി അധ്യക്ഷത വഹിച്ചു. ഗ്രാമപഞ്ചായത്തംഗം മുഹമ്മദ് മച്ചിങ്ങല് സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.