കാട്ടാക്കട: റേഷന് കാര്ഡിലെ മുന്ഗണന ലിസ്റ്റ് തയാറാക്കിയതിലെ വ്യാപക ക്രമക്കേട് നടന്നതില് പ്രതിഷേധിച്ച് മാറനല്ലൂര് ഗ്രാമപഞ്ചായത്ത് പ്രസിഡന്റിന്െറ നേതൃത്വത്തില് പഞ്ചായത്തംഗങ്ങള് താലൂക്ക് സപൈ്ള ഓഫിസറെ ഉപരോധിച്ചു. വെള്ളിയാഴ്ച രാവിലെയായിരുന്നു ഉപരോധം. മാറനല്ലൂര് പഞ്ചായത്ത് പ്രസിഡന്റ് പി.എസ്. മായ, വൈസ് പ്രസിഡന്റ് തൂങ്ങാംപാറ ബാലകൃഷ്ണന് എന്നിവരുടെ നേതൃത്വത്തില് മെംബര്മാരും ബി.ജെ.പി കാട്ടാക്കട മണ്ഡലം കമ്മിറ്റി ഭാരവാഹികളും സമരത്തില് പങ്കെടുത്തു. പഞ്ചായത്തില് സര്ക്കാര് ഉദ്യോഗസ്ഥരും ഭൂപ്രഭുക്കളും മുന്ഗണന ലിസ്റ്റില് അര്ഹത നേടിയപ്പോള് നിര്ധനര് ഒഴിവാക്കപ്പെട്ടു. അര്ഹര്ക്ക് റേഷന് ആനുകൂല്യങ്ങള് നിഷേധിക്കുന്ന സ്ഥിതിയുണ്ടായപ്പോള് ജനം പഞ്ചായത്തിനെ സമീപിച്ചിരുന്നു. തുടര്ന്ന് പഞ്ചായത്ത് അധികൃതര് സപൈ്ള ഓഫിസറോട് നിരവധി തവണ പരാതിപ്പെട്ടെങ്കിലും നടപടിയുണ്ടായില്ല. തുടര്ന്നാണ് പ്രസിഡന്റും അംഗങ്ങളും സമരവുമായി എത്തിയത്. താലൂക്ക് സപൈ്ള ഓഫിസര് ടി.ജി. ഗോപകുമാര് പ്രതിഷേധക്കാരെ അനുനയിപ്പിച്ച് പിരിച്ചുവിടാന് ശ്രമിച്ചെങ്കിലുംനടന്നില്ല. തുടര്ന്ന് പഞ്ചായത്തിന്െറ ആവശ്യങ്ങളെല്ലാം അംഗീകരിച്ചതോടെ സമരം അവസാനിപ്പിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.