എടപ്പാള്: തവനൂര് പഞ്ചായത്ത് വൈസ് പ്രസിഡന്റ് സ്ഥാനം സി.പി.എമ്മിന്. വ്യാഴാഴ്ച നടന്ന തെരഞ്ഞെടുപ്പിലാണ് സി.പി.എമ്മിലെ സി.പി. നസീറ വൈസ് പ്രസിഡന്റായി തെരഞ്ഞെടുക്കപ്പെട്ടത്. 19 അംഗ ഭരണ സമിതിയില് നസീറക്ക് 10 വോട്ടും എതിര് സ്ഥാനാര്ഥി കോണ്ഗ്രസിലെ സിന്ധുവിന് ഒമ്പത് വോട്ടും ലഭിച്ചു. സ്വതന്ത്രാംഗവും പഞ്ചായത്ത് പ്രസിഡന്റുമായ കെ.പി. സുബ്രഹ്മണ്യന്െറ പിന്തുണയോടെ സി.പി.എം അവിശ്വാസ പ്രമേയത്തിന് നോട്ടീസ് നല്കിയതിനെ തുടര്ന്ന് വൈസ് പ്രസിഡന്റ് സുബൈദ ഉണ്ണീന്കുട്ടി രാജിവെച്ചിരുന്നു. നേരത്തേ യു.ഡി.എഫിനൊപ്പം നിന്നാണ് കെ.പി. സുബ്രഹ്മണ്യന് പ്രസിഡന്റായത്. സി.പി.എം വിമതനായി ജനകീയ വികസന സമിതിയുടെ ബാനറില് മത്സരിച്ച് വിജയിച്ചയാളാണ് സുബ്രഹ്മണ്യന്. 19 അംഗ ഭരണ സമിതിയില് സി.പി.എമ്മിനും യു.ഡി.എഫിനും ഒമ്പത് അംഗങ്ങള് വീതമാണ് ഉള്ളത്. പൊന്നാനി വ്യവസായ ഓഫിസര് സ്മിത തെരഞ്ഞെടുപ്പ് നിയന്ത്രിച്ചു. വിജയത്തിനുശേഷം സി.പി.എം പ്രവര്ത്തകര് ആഹ്ളാദ പ്രകടനം നടത്തി. ബാബു തവനൂര്, പി. ജ്യോതി, മോഹന്ദാസ്, കെ.പി. സുബ്രഹ്മണ്യന് എന്നിവര് നേതൃത്വം നല്കി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.