കുറ്റിപ്പുറം: ടിപ്പര് ലോറി സമരം ശക്തമായതോടെ പൊലീസ് സംരക്ഷണത്തില് കല്ലുമായി പോയ ലോറി സമരാനുകൂലികള് തടഞ്ഞു. സമരാനുകൂലികളായ ടിപ്പര് ലോറി ഡ്രൈവര്മാരെ പൊലീസ് കസ്റ്റഡിയിലെടുത്തു. കുറ്റിപ്പുറം ദേശീയപാതയിലാണ് ടിപ്പര് ലോറി സമരവുമായി ബന്ധപ്പെട്ട് സംഘര്ഷമുണ്ടായത്. മൂടാല് ഭാഗത്ത് നിന്ന് പൊലീസ് സംരക്ഷണത്തില് ചെങ്കല്ലുമായി വന്ന ലോറി സമരാനുകൂലികള് തടഞ്ഞതോടെ തുടങ്ങിയ വാക്കേറ്റം പൊലീസ് നടപടിയില് കലാശിക്കുകയായിരുന്നു. തുടര്ന്ന് വിവിധ യൂനിയനുകളുടെ പ്രതിനിധികളായി കുറ്റിപ്പുറം പഞ്ചായത്ത് അംഗം പരപ്പാര സിദ്ധീഖ്, കുഞ്ഞാലി തുടങ്ങിയവരത്തെി എസ്.ഐ ജോസ് കുര്യനുമായി നടത്തിയ ചര്ച്ചയിലാണ് പ്രശ്നം താത്കാലികമായി പരിഹരിച്ചത്. സമരക്കാരുമായി ജില്ലാകലക്ടറുടെ ചേംമ്പറില് ബുധനാഴ്ച നടക്കുന്ന ചര്ച്ച തീരുന്നത് വരെ ലോറികള് ഓടുന്നതില് നിന്ന് വിട്ട് നില്ക്കും. ചര്ച്ച വിജയിച്ചാലും പരാജയപ്പെട്ടാലും കല്ല് ലോറികള് വ്യാഴാഴ്ച മുതല് ഓടാനും തീരുമാനിച്ചു. തുടര്ന്ന് കസ്റ്റഡിയിലെടുത്തവരെ പൊലീസ് വിട്ടയച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.