പെരിന്തല്മണ്ണ: നഗരസഭയിലെ സാമൂഹിക ക്ഷേമ പെന്ഷന് ഗുണഭോക്താക്കള്ക്ക് ഇനി ഐഡന്റിറ്റികാര്ഡ്. ആദ്യഘട്ടത്തില് കര്ഷക തൊഴിലാളി, അംഗപരിമിത, 50 വയസ്സ് കഴിഞ്ഞ അവിവാഹിത എന്നിവര്ക്കാണ് നല്കുക. വിതരണോദ്ഘാടനം നഗരസഭ അധ്യക്ഷ നിഷി അനില്രാജ് നിര്വഹിച്ചു. 30ന് വിധവാ പെന്ഷന്കാര്ക്കും ഒക്ടോബര് ഒമ്പതിന് വാര്ധക്യകാല പെന്ഷന്കാര്ക്കും കാര്ഡ് വിതരണം ചെയ്യും. വര്ഷാവസാനത്തോടെ മുഴുവന് പെന്ഷന്കാര്ക്കും വിതരണം പൂര്ത്തിയാക്കാനാണ് ഉദ്ദേശിക്കുന്നത്. രണ്ട് കോപ്പി ഫോട്ടോ, പെന്ഷന് സ്ളിപ് എന്നിവ നഗരസഭാകാര്യാലയത്തില് നല്കണം. സംസ്ഥാനത്ത് പദ്ധതി നടപ്പാക്കുന്ന ആദ്യ നഗരസഭയാണ് പെരിന്തല്മണ്ണ. ചടങ്ങില് ക്ഷേമകാര്യ സ്ഥിരംസമിതി അധ്യക്ഷന് എം.കെ. ശ്രീധരന് അധ്യക്ഷത വഹിച്ചു. ആരോഗ്യ സ്ഥിരംസമിതി അധ്യക്ഷ ടി. സരോജിനി, കൗണ്സിലര്മാരായ പച്ചീരി സുരയ്യ, കാട്ടുങ്ങല് നസീറ എന്നിവര് സംസാരിച്ചു. കെ.എസ്. സുനില്കുമാര് സ്വാഗതവും കെ.പി. ലളിത നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.