കൊണ്ടോട്ടി: ഭര്ത്താവിനെ കത്തി മുനയില് നിര്ത്തി അസം യുവതിയെ പീഡിപ്പിച്ച കേസിലെ പ്രതികളെ ഉടന് പിടികൂടണമെന്നാവശ്യപെട്ട് വെല്ഫെയര് പാര്ട്ടി കൊണ്ടോട്ടി പൊലീസ് സ്റ്റേഷനിലേക്ക് മാര്ച്ച് നടത്തി. കുഴിമണ്ണ കുഴിഞ്ഞളത്ത് ഒരു മാസം മുമ്പ് നടന്ന സംഭവത്തിലാണ് പ്രതികളെ പിടികൂടാത്തത്. പ്രതികളെ പിടികൂടാത്തതിന് പിന്നില് ശക്തമായ ഇടപെടലുണ്ടെന്ന് സമരക്കാര് ആരോപിച്ചു. സലീം വാഴക്കാട് മാര്ച്ച് ഉദ്ഘാടനം ചെയ്തു. കൊണ്ടോട്ടി 17ല് നിന്നാരംഭിച്ച മാര്ച്ച് പോസ്റ്റോഫിസിന് മുന്നില് പൊലീസ് തടഞ്ഞു. അബ്ദുഹ്മാന് ചിറയില് അധ്യക്ഷത വഹിച്ചു. സി.യു. അമീര്, കെ.കെ. അഷറഫ്, എ.എം. ശരീഫ് എന്നിവര് സംസാരിച്ചു. പി.പി. റഷീദ്, കെ.കെ. അബൂബക്കര്, നൗഷാദ് ചുള്ളിയന് എന്നിവര് നേതൃത്വം നല്കി. തുടര്ന്ന് എസ്.ഐക്ക് നേതാക്കള് നിവേദനം നല്കി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.