പാപ്പിനിശ്ശേരി: ഇതര സംസ്ഥാനങ്ങളിൽനിന്ന് നാട്ടിലെത്തുന്ന പാപ്പിനിശ്ശേരി സ്വദേശികൾക്ക് ശക്തമായ നിരീക്ഷണ സംവിധാനം ഉറപ്പുവരുത്താൻ പഞ്ചായത്ത് തല കോവിഡ് പ്രതിരോധ മാനേജ്മൻെറ് കമ്മിറ്റി തീരുമാനിച്ചു. എത്തിയ 12 പേർക്ക് വീടുകളിൽ തന്നെ ക്വാറൻറീൻ സൗകര്യമൊരുക്കി. വീടുകളിലെ മറ്റുള്ളവരെ ബന്ധുവീടുകളിലേക്ക് മാറ്റി. വരും ദിവസങ്ങളിൽ 54 പേർക്കുകൂടി പഞ്ചായത്ത് പരിധിയിൽ എത്താൻ പാസുകൾ നൽകിയിട്ടുണ്ട്. പൊതു ക്വാറൻറീൻ സംവിധാനമൊരുക്കാൻ മാനേജ്മൻെറ് കമ്മിറ്റി വിവിധ സ്ഥാപനങ്ങളുമായി ബന്ധപ്പെട്ടിട്ടുണ്ട്. പഞ്ചായത്ത് പ്രസിഡൻറ് കെ. നാരായണൻ, സെക്രട്ടറി കെ.ബി. ഷംസുദ്ദീൻ, മെഡിക്കൽ ഓഫിസർ ഡോ. ഷാഹിന ഭായി, ഡോ.പി.കെ. അനിൽ കുമാർ, വളപട്ടണം പൊലീസ് എസ്.എച്ച്.ഒ എം.വി. ഷീജു എന്നിവർ യോഗത്തിൽ പങ്കെടുത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.