കണ്ണൂർ: ഉപദേശങ്ങളും നിർദേശങ്ങളും അനുസരിക്കാതെ ജനങ്ങൾ വെള്ളിയാഴ്ചയും പുറത്തിറങ്ങിയപ്പോൾ ജില്ലയിൽ പൊലീസ് 31 പേരെ അറസ്റ്റ് ചെയ്തു. 26 കേസുകളിലായാണ് ഇത്രയും ആളുകളെ അറസ്റ്റ് ചെയ്തത്. താണയിലെ നിരീക്ഷണ കേന്ദ്രത്തിൽ കഴിഞ്ഞിരുന്ന ബന്ധുവിനെ കൂട്ടി വീട്ടിൽ കൊണ്ടുപോയ സംഭവത്തിൽ അറസ്റ്റിലായ കോർപറേഷൻ കൗൺസിലർ ഉൾപ്പെടെയാണ് 31 പേർ. ഇതിനു പുറമെ നിയമം ലംഘിച്ച് പുറത്തിറങ്ങിയ 16 വാഹനങ്ങളും കസ്റ്റഡിയിൽ എടുത്തു. ഇതോടെ ജില്ലയിൽ ഇതുവരെ നിയമലംഘനത്തിന് അറസ്റ്റിലായവരുടെ എണം 385 ആയി. 368 കേസുകളിലായാണ് ഇത്രയും ആളുകൾ അറസ്റ്റിലായത്. 1031 പ്രതികളാണ് ആകെയുള്ളത്. 91 വാഹനങ്ങളും ഇതുവരെയായി കസ്റ്റഡിയിലായിട്ടുണ്ട്. ജില്ലയിൽ വെള്ളിയാഴ്ചയും കോവിഡ് ബാധ സ്ഥിരീകരിച്ച സാഹചര്യത്തിൽ തുടർ ദിവസങ്ങളിലും കനത്ത പരിശോധനയും നടപടിയും തുടരാനാണ് തീരുമാനം.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.