നാദാപുരം: മഴക്കാലം തുടങ്ങിയതോടെ നാദാപുരം ടൗൺ വെള്ളക്കെട്ടിലായി. ഇതോടെ വ്യാപാരികൾക്ക് വീണ്ടും ദുരിതമായി. ച ൊവ്വാഴ്ച രാവിലെപെയ്ത ശക്തി കുറഞ്ഞ മഴയിൽപോലും ടൗണിൽ വെള്ളക്കെട്ട് രൂപപ്പെട്ട് കടകളിൽ വെള്ളം കയറി. സംസ്ഥാന പാതയിൽ തലശ്ശേരി റോഡിൽ മത്സ്യമാർക്കറ്റ് പരിസരത്താണ് ചെറിയ മഴയിൽ പോലും കടകളിൽ വെള്ളം കയറുന്നത് പതിവാകുന്നത്. ടൗണിലെ വലിയ വ്യാപാര സമുച്ചയങ്ങളിൽനിന്നുമുള്ള വെള്ളം റോഡിലേക്ക് ഒഴുകിയെത്തുന്നതും അശാസ്ത്രീയ െഡ്രയിനേജ് നിർമാണവും മഴക്കാലപൂർവ ശുചീകരണം കാര്യക്ഷമമായി നടക്കാത്തതും ഓവുചാലുകളിലേക്ക് വെള്ളം ഒഴുകിപ്പോകാത്തതും ടൗൺ വെള്ളക്കെട്ടിലാകാൻ ഇടയാക്കുന്നു. കാലവർഷം ശക്തമാവുന്നതിനുമുമ്പ് അടിയന്തര നടപടി സ്വീകരിച്ചില്ലെങ്കിൽ കച്ചവടക്കാർക്ക് വൻ നാശനഷ്മുണ്ടാകുമെന്ന് പറയുന്നു. വ്യാപാരികളുടെ ദുരിതത്തിന് പരിഹാരം ആവശ്യപ്പെട്ട് വ്യാപാരി വ്യവസായി നേതാക്കൾ വടകര പൊതുമരാമത്ത് എൻജിനീയർക്ക് നിവേദനം നൽകി. നിവേദനത്തിൻെറ അടിസ്ഥാനത്തിൽ ബുധനാഴ്ച രാവിലെ പൊതുമരാമത്ത് ഉദ്യോഗസ്ഥർ സ്ഥലം സന്ദർശിച്ച് നടപടികൾ സ്വീകരിക്കാമെന്ന് ഉറപ്പുനൽകിയതായി വ്യാപാരി വ്യവസായി നേതാക്കൾ അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.