പേരാമ്പ്ര: ടൗണിൽനിന്ന് കളഞ്ഞുകിട്ടിയ സ്വർണാഭരണങ്ങൾ ഉടമസ്ഥന് തിരിച്ചുനൽകി. ചെറുവണ്ണൂർ കാഞ്ഞോട്ട് മീത്തൽ ശ്രീ ധരനാണ് തിങ്കളാഴ്ച ആഭരണങ്ങളടങ്ങിയ കവർ വീണു കിട്ടുന്നത്. രണ്ടു മാലയും ഒരു പാദസരവുമാണ് കവറിൽ ഉണ്ടായിരുന്നത്. ഇതു പേരാമ്പ്ര പൊലീസ് സ്റ്റേഷനിൽ ഏൽപിക്കുകയും ഇദ്ദേഹത്തിെൻറ മകൻ ശ്രീജിൽ വിവരം ഫോൺ നമ്പർ സഹിതം സമൂഹമാധ്യമങ്ങളിലൂടെ പങ്കുവെക്കുകയും ചെയ്തു. ഉടമ പേരാമ്പ്ര ടൗണിലെ ചുമട്ടു തൊഴിലാളി അഴകത്ത് മീത്തൽ മഹറൂഫ് ഈ നമ്പറിൽ ബന്ധപ്പെടുകയായിരുന്നു. ചൊവ്വാഴ്ച രാവിലെ പൊലീസ് സ്റ്റേഷനിൽ നിന്ന് മഹറൂഫ് ആഭരണം ഏറ്റുവാങ്ങി. ശ്രീധരനെ പേരാമ്പ്ര സബ് ഇൻസ്പെക്ടർ പി.പി. ദിനേശ് പൊന്നാടയണിയിച്ച് ആദരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.