* 35 തിരകളും 60 പെല്ലറ്റും പിടികൂടി മാനന്തവാടി: തോക്കിൻ തിരകളുമായി മലപ്പുറം സ്വദേശിയായ യുവാവ് അറസ്റ്റിൽ. മലപ്പുറം പുന്നക്കപറമ്പ് പൂവത്തിക്കൽ സൈനുൽ ആബിദി(25)നെയാണ് തിരുനെല്ലി എസ്.ഐ ബിജു ആൻറണിയുടെ നേതൃത്വത്തിൽ അറസ്റ്റ് ചെയ്തത്. 35 തിരകളും എയർഗണ്ണിന് ഉപയോഗിക്കുന്ന 60 പെല്ലറ്റും പ്രതി സഞ്ചരിച്ച കെ.എൽ10 ജെ 0117 ഒാമ്നിയും കസ്റ്റഡിയിലെടുത്തു. മംഗളൂരു സുള്ള്യ വഴി തോൽപെട്ടി അതിർത്തി കടത്തിയ അനധികൃത തിരകൾ കാട്ടിക്കുളത്ത് വാഹന പരിശോധനയിലാണ് പിടികൂടിയത്. ഇത് വിൽപന നടത്താനായിരുന്നു ശ്രമമെന്ന് പ്രതി സമ്മതിച്ചിട്ടുണ്ട്. മാനന്തവാടി ജുഡീഷ്യൽ ഫസ്റ്റ് ക്ലാസ് മജിസ്ട്രേറ്റ് കോടതി-രണ്ട് പ്രതിയെ റിമാൻഡ് ചെയ്തു. സംഭവവുമായി ബന്ധപ്പെട്ട് ഒരാളെക്കൂടി കസ്റ്റഡിയിലെടുത്തതായാണ് സൂചന.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.