കോഴിക്കോട്: സ്വകാര്യ അണ്‍ എയ്ഡഡ് വിദ്യാലയങ്ങള്‍ അടച്ചുപൂട്ടാനുള്ള സര്‍ക്കാര്‍ ഉത്തരവില്‍ പ്രതിഷേധിച്ച് ഒാള്‍ കേരള മാനേജ്‌മെൻറ് സ്‌കൂള്‍ അസോസിയേഷെൻറ ആഭിമുഖ്യത്തില്‍ രൂപവത്കരിച്ച സ്റ്റാഫ് അസോസിയേഷന്‍ 17ന് ഉപവാസം നടത്തും. മാനാഞ്ചിറ കോംട്രസ്റ്റ് പരിസരത്ത് രാവിലെ 10ന് ആരംഭിക്കുന്ന ഉപവാസം വൈകീട്ട് നാലിന് അവസാനിക്കും. കൺവെൻഷൻ ഐ.എന്‍.ടി.യു.സി. ജില്ല പ്രസിഡൻറ് എം. രാജന്‍ ഉദ്ഘാടനം ചെയ്തു. മാനേജ്‌മെൻറ് സ്‌കൂള്‍ അസോസിയേഷൻ പ്രസിഡൻറ് എം. ശശീധരന്‍ അധ്യക്ഷത വഹിച്ചു. കോണ്‍ഫെഡറേഷന്‍ ചെയര്‍മാന്‍ നിസാര്‍ ഒളവണ്ണ മുഖ്യപ്രഭാഷണം നടത്തി. ജനറല്‍ സെക്രട്ടറി പി. ശങ്കരന്‍ നടുവണ്ണൂർ, സ്റ്റാഫ് അസോസിയേഷന്‍ ചെയര്‍പേഴ്‌സൻ പത്മിനി മനോഹർ, സെക്രട്ടറി പി.കെ. മുരളീധര മേനോൻ, കണ്‍വീനര്‍ പി.ടി. സുബൈദ, ബാലകൃഷ്ണന്‍ കല്ലാച്ചി തുടങ്ങിയവര്‍ സംസാരിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.