മുത്തപ്പൻപുഴ വനം വകുപ്പ് സർ​േവ: ആശങ്ക വേണ്ടെന്ന് എം.എൽ.എ ​

മുത്തപ്പൻപുഴ വനം വകുപ്പ് സർേവ: ആശങ്ക വേണ്ടെന്ന് എം.എൽ.എ തിരുവമ്പാടി: മുത്തപ്പൻപുഴ മേഖലയിൽ വനഭൂമിയുടെ അതിർത്തി നിശ്ചയിക്കാനുള്ള സർവേയുമായി ബന്ധപ്പെട്ട് കർഷകർക്ക് ആശങ്ക വേണ്ടെന്ന് ജോർജ് എം. തോമസ് എം.എൽ.എ പറഞ്ഞു. വർഷങ്ങളായി കർഷകർ കൈവശം വെച്ചുപോരുന്ന ഭൂമിയിൽ വനംവകുപ്പി​െൻറ സർവേ പ്രവർത്തനം നടത്തരുതെന്നും റവന്യൂ- വനം വകുപ്പുകളുടെ സംയുക്ത പരിശോധനക്കുശേഷമേ നടപടി സ്വീകരിക്കാവൂവെന്നും പലതവണ നിർദേശം നൽകിയതാണ്. എന്നാൽ, കോടതി നിർദേശത്തി​െൻറ പേരിൽ ചില ഉദ്യോഗസ്ഥർ സർവേ നടപടികൾ തുടർന്നുവന്നിരുന്നു. ഇതേത്തുടർന്ന് മുഖ്യമന്ത്രിയെ നേരിൽക്കണ്ട് ഈ പ്രശ്നം സംസാരിച്ചതി​െൻറ അടിസ്ഥാനത്തിൽ ഒരു കൈവശക്കാരെയും ഒഴിപ്പിക്കില്ലെന്ന് ഉറപ്പ് ലഭിച്ചിട്ടുണ്ട്. വെള്ളിയാഴ്ച റവന്യൂ-വനം വകുപ്പ് മന്ത്രിമാരെ നേരിട്ടുകണ്ട് പ്രശ്നം അവതരിപ്പിച്ചു. സംയുക്ത പരിശോധനക്കുശേഷം മാത്രമേ മറ്റു നടപടികൾ സ്വീകരിക്കൂ എന്ന് ഇരുമന്ത്രിമാരും ഉറപ്പുനൽകുകയും ചെയ്തിട്ടുണ്ട്. ഉടൻ ജനപ്രതിനിധികളുടെ സാന്നിധ്യത്തിൽ സംയുക്ത യോഗം ചേർന്ന് കർഷകരുടെ ആശങ്ക ദൂരീകരിക്കാനുള്ള നടപടി സ്വീകരിക്കുമെന്നും എം.എൽ .എ വ്യക്തമാക്കി.