തിരുവനന്തപുരം: പ്ലസ് വൺ പ്രവേശനത്തിനായുള്ള ആദ്യ സപ്ലിമെൻററി അലോട്ട്മെൻറ് പ്രസിദ്ധീകരിച്ചപ്പോൾ കോഴിക്കോട് ജില്ലയിൽ 5000ൽപരം വിദ്യാർഥികൾക്ക് സീറ്റില്ല. ആറ് ജില്ലകളിൽ 10 ശതമാനം സീറ്റ് വർധിപ്പിച്ച ശേഷമാണ് സപ്ലിമെൻററി അലോട്ട്മെൻറ് നടത്തിയത്. കോഴിക്കോട് ജില്ലയിൽ 124 സീറ്റുകളും വയനാട് ജില്ലയിൽ 184 സീറ്റുമാണ് അവശേഷിക്കുന്നത്. കോഴിക്കോട് ജില്ലയിൽ സപ്ലിമെൻററി അലോട്ട്മെൻറിന് അപേക്ഷിച്ചത് 11947 പേരും അലോട്ട്മെൻറ് ലഭിച്ചത് 6606 പേർക്കുമാണ്. വയനാട് ജില്ലയിൽ 2595 പേർ സപ്ലിമെൻററി അലോട്ട്മെൻറിന് അപേക്ഷിച്ചു. 1747 പേർക്കാണ് അലോട്ട്മെൻറ് ലഭിച്ചത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.