കുന്ദമംഗലം: ലഹരിക്കായി ഉപയോഗിക്കുന്ന സ്റ്റാമ്പും ഗുളികകളും സഹിതം ഏഴ് യുവാക്കളെ കുന്ദമംഗലം എക്സൈസ് പൊലീസ് പിടികൂടി. കൊടിയത്തൂർ ഭാഗത്തുനിന്ന് 11 എൽ.എസ്.ഡി സ്റ്റാമ്പുകൾ രണ്ടുപേരിൽനിന്നാണ് പിടികൂടിയത്. മാവൂർ സ്വദേശി രാഹുൽ രാജൻ, കക്കാട് സ്വദേശി അബൂസബാഹ് എന്നിവരിൽനിന്നാണ് ലഹരിക്കായി നാവിൽ വെക്കുന്ന സ്റ്റാമ്പുകൾ പിടികൂടിയത്. ഇരുവരെയും അറസ്റ്റുചെയ്തിട്ടുണ്ട്. വെസ്റ്റ് മാമ്പറ്റ ഭാഗത്ത് സ്വിഫ്റ്റ് കാറിൽനിന്നാണ് 15 ഗ്രാം കഞ്ചാവ്, അഞ്ച് നൈട്രോസ്പാം ഗുളിക സഹിതം അഞ്ചുപേരെ പിടികൂടിയത്. ചേളന്നൂർ സ്വദേശികളായ അബൂശാമിൽ, പി.പി. ശമീർ, കെ. ഷഫീഖ്, റാഷിദ്, മടവൂർ സ്വദേശി മുഹമ്മദ് റബി എന്നിവരാണ് പിടിയിലായത്. എക്സൈസ് ഇൻസ്പെക്ടർ ജുനൈദിെൻറ നേതൃത്വത്തിലാണ് ഇവരെ പിടികൂടിയത്. ഇരുകേസിലെ പ്രതികളെയും താമരശ്ശേരി കോടതിയിൽ ഹാജരാക്കി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.