bl: കുഴൽപണമാണ് കവർന്നതെന്നു പറയുന്നു താമരശ്ശേരി: വാഹനം തടഞ്ഞുനിർത്തി പണം കവർന്ന കേസില് ഒരാള്കൂടി പിടിയിലായി. താമരശ്ശേരി ചുണ്ടക്കുന്ന് അബ്ദുൽ അസീസ്(42 )നെയാണ് താമരശ്ശേരിയില് പൊലീസ് അറസ്റ്റ് ചെയ്തത്. കൊയിലാണ്ടി മുത്താമ്പി നടേരി ഇടഞ്ഞിയില്മീത്തല് മുഹമ്മദ് സാലിഹ് (28), മുത്താമ്പി നടേരി സമീര് മന്സിലില് എസ്.എം. ഷമീര് (28) എന്നിവരെ കഴിഞ്ഞദിവസം അറസ്റ്റ് ചെയ്തിരുന്നു. ഈ മാസം 17ന് സംസ്ഥാന പാതയില് ചാലക്കര ഗവ. യു.പി സ്കൂളിന് സമീപത്തുനിന്ന് സ്കൂട്ടറില് കോരങ്ങാേട്ടക്ക് വരുകയായിരുന്ന കൊടുവള്ളി കിഴക്കോത്ത് താഴെ കുന്നുമ്മല് കാദര് (60)നെ കാറിലും ബൈക്കിലുമായെത്തിയ സംഘം തടഞ്ഞുനിര്ത്തി കാറില് കയറ്റിക്കൊണ്ടുപോവുകയും പണം തട്ടിയെടുത്ത് പുല്ലാഞ്ഞിമേട്ടില് ഇറക്കിവിടുകയുമായിരുന്നു. കാദറിെൻറ അരയില് സൂക്ഷിച്ച ഒരു ലക്ഷം രൂപ കവര്ന്നുവെന്നാണ് പൊലീസിനു നല്കിയ പരാതി. വിതരണത്തിന് കൊണ്ടുപോവുകയായിരുന്ന കുഴൽപണമായിരുന്നു ഇതെന്ന് പറയുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.