പാലാ: നാലുവർഷത്തിനിടെ മൂന്നുതവണ റെക്കോഡുകളെ പിന്നിലാക്കി കാക്കനാട് തേവക്കൽ വിദ്യോദയ സ്കൂളിലെ പതിനൊന്നാം ക്ലാസ് വിദ്യാർഥിനി അനന്യ ടി. ജിത്ത്. ഷോട്ട്പുട്ടിലാണ് ഇൗ പെരുമ്പാവൂരുകാരി പുതുചരിത്രമെഴുതുന്നത്. പതിനേഴുവയസ്സിൽ താഴെയുള്ള പെൺകുട്ടികളുടെ മത്സരത്തിൽ 10.39 മീറ്റർ എറിഞ്ഞാണ് പാലാ സ്റ്റേഡിയത്തിൽ അനന്യ പുതിയ റെക്കോഡ് സ്ഥാപിച്ചത്. ശ്രീബുദ്ധ സെൻറർ സ്കൂളിലെ വീണ വേണുഗോപാലിെൻറ(10.01 മീ.) റെക്കോഡാണ് തിരുത്തിയത്. സി.ബി.എസ്.ഇ മീറ്റിലെ അനന്യയുടെ മൂന്നാം റെക്കോഡാണിത്. ഷോട്ട്പുട്ടിൽ പതിനാലുവസ്സിൽ താഴെയുള്ളവരുടെയും 16വയസ്സിൽ താഴെയുള്ളവരുടെയും വിഭാഗങ്ങളിൽ മുൻവർഷങ്ങളിൽ റെക്കോഡ് സ്ഥാപിച്ചിരുന്നു. നിലവിൽ പതിനാലു വയസ്സിൽ താെഴയുള്ളവരുടെ റെക്കോഡ് അനന്യയുടെ(9.65) പേരിലാണ്. ശനിയാഴ്ച ഡിസ്കസ് േത്രായിലും ഈ മിടുക്കി മത്സരത്തിനിറങ്ങുന്നുണ്ട്. തിരുവനന്തപുരത്ത് നടന്ന അമച്വർ മീറ്റിൽ ഷോട്ട്പുട്ടിൽ വെള്ളി നേടിയ അനന്യ, വോളിബാൾ കോർട്ടുകളിലും സജീവമാണ്. വോളിബാൾ താരമായിരുന്ന പെരുമ്പാവൂർ തൂമ്പായിൽ പി.എസ്. അജിത്തിെൻറയും പി.ആർ. മിനിയുടെയും മകളാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.