മെഡിക്കൽ കോളജിൽ ഐ.എം.സി നിർദേശങ്ങൾ നടപ്പാക്കണം -ജോസ് കെ. മാണി കോട്ടയം: കോട്ടയം മെഡിക്കൽ കോളജിൽ ഇന്ത്യൻ മെഡിക്കൽ കൗൺസിലിെൻറ നിർദേശങ്ങൾ അടിയന്തരമായി നടപ്പാക്കണമെന്ന് ജോസ് കെ. മാണി എം.പി ആവശ്യപ്പെട്ടു. കൗൺസിൽ നൽകിയ 10 നിർദേശങ്ങൾ ഒരു മാസത്തിനകം നടപ്പാക്കിയില്ലെങ്കിൽ കോട്ടയം മെഡിക്കൽ കോളജിലെ 150 എം.ബി.ബി.എസ് സീറ്റുകളുടെ അംഗീകാരം റദ്ദാകുമെന്നാണ് റിപ്പോർട്ട്. ജീവനക്കാരുടെ ഒഴിവ് നികത്തുന്നതുൾപ്പെടെ കാര്യങ്ങൾ സംസ്ഥാന സർക്കാറാണ് നടത്തേണ്ടത്. മെഡിക്കൽ കോളജിെൻറ അടിസ്ഥാനസൗകര്യ വികസനത്തിന് ഊന്നൽ നൽകണം. ഒരു മാസത്തെ സാവകാശം നൽകിയിട്ടുണ്ടെങ്കിലും ആരോഗ്യ മന്ത്രി ഉന്നതതല യോഗം വിളിച്ച് ഇന്ത്യൻ മെഡിക്കൽ കൗൺസിെൻറ നിർദേശങ്ങൾ നടപ്പാക്കാൻ ഉത്തരവ് നൽകണമെന്നും അദ്ദേഹം ആവശ്യപ്പെട്ടു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.