ഉരുവച്ചാൽ: റോഡരികിൽ മാലിന്യം തള്ളാനെത്തിയ രണ്ടു കാറുകൾ പൊലീസ് പിടികൂടി. നെല്ലൂന്നി, എടയന്നൂർ എന്നിവിടങ്ങളിൽ നിന്നാണ് കാറുകൾ കസ്റ്റഡിയിലെടുത്തത്. കഴിഞ്ഞ ദിവസങ്ങളിൽ നാഗവളവ്, ഉരുവച്ചാൽ, പഴശ്ശി തുടങ്ങിയ സ്ഥലങ്ങളിൽ കക്കൂസ് മാലിന്യം ഒഴുക്കിവിട്ടിരുന്നു. തുടർന്ന് മട്ടന്നൂർ എസ്.ഐ കെ. രാജീവ് കുമാറിെൻറ നേതൃത്വത്തിൽ രാത്രികാല വാഹന പരിശോധന നടത്തിവരുകയായിരുന്നു. മാലിന്യം തള്ളുന്നവരെ പിടികൂടാൻ രാത്രികാലങ്ങളിൽ പട്രോളിങ്ങും ഏർപ്പെടുത്തിയിട്ടുണ്ട്. രാത്രി വാഹന പരിശോധന കർശനമാക്കിയതായും പിടികൂടിയ കാറുകൾ കോടതിക്ക് കൈമാറുമെന്നും പൊലീസ് അറിയിച്ചു. പൊതുസ്ഥലങ്ങളിലും മറ്റും മാലിന്യം തള്ളുന്നവരെ കണ്ടെത്തുന്നതിന് എസ്.ഐയുടെ നേതൃത്വത്തിൽ പ്രത്യേക സ്ക്വാഡ് രൂപവത്കരിച്ചിട്ടുണ്ട്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.