പാനൂർ: സി.പി.എം പൊയിലൂർ ലോക്കൽ സമ്മേളനത്തിെൻറ സമാപനത്തോടനുബന്ധിച്ച് നടന്ന പ്രകടനത്തിനു നേരെ അക്രമം. അക്രമത്തിൽ സി.പി.എം പ്രവർത്തകർക്കും പാനൂർ സി.ഐ ഉൾപ്പെടെയുള്ള പൊലീസുകാർക്കും പരിക്കേറ്റു. ആക്രമണത്തിന് പിന്നിൽ ആർ.എസ്.എസാണെന്ന് സി.പി.എം ആരോപിച്ചു. സി.പി.എം ലോക്കൽ സമ്മേളനത്തിെൻറ സമാപനത്തോടനുബന്ധിച്ച് ബുധനാഴ്ച തൂവ്വക്കുന്ന് കേന്ദ്രീകരിച്ചുനടന്ന പ്രകടനം പൊയിലൂർ ചിറ്റുള്ളപീടികയിൽ സരസ്വതി വിദ്യാപീഠത്തിന് സമീപം എത്തിയപ്പോഴാണ് അക്രമമുണ്ടായത്. പരിക്കേറ്റ സി.പി.എം പ്രവർത്തകരായ കരുവള്ളിയിൽ ബാലൻ (65), പി.സി. സജിത്ത് പുല്ലായിത്തോട് (36), വി.കെ. പ്രജിത്ത് (25), ദിൽജിത്ത് (27), ഷിംജിത്ത് (25) എന്നിവരെ തലശ്ശേരി സഹകരണ ആശുപത്രിയിലും പാനൂർ സി.ഐ എം.കെ. സജീവിനെ പാനൂർ താലൂക്ക് ആശുപത്രിയിലും പ്രവേശിപ്പിച്ചു. പ്രകടനം കടന്നുപോകുന്ന വഴിയിലെ ശാഖാകേന്ദ്രത്തിൽ സംഘടിച്ചുനിന്ന ആർ.എസ്.എസ് പ്രവർത്തകർ പ്രകടനത്തിെൻറ മുൻഭാഗം കടന്നുപോയശേഷം പ്രവർത്തകർക്കുനേരെ കല്ലെറിയുകയും ആയുധങ്ങളുമായി ഇരച്ചുകയറി ആക്രമിക്കുകയുമായിരുന്നുവെന്ന് സി.പി.എം ആരോപിച്ചു. സംഘർഷസാധ്യത കണക്കിലെടുത്ത് പ്രദേശത്ത് വൻ പൊലീസ് സന്നാഹം ഏർപ്പെടുത്തി. ഒരാഴ്ച മുമ്പ് കൈവേലിക്കലിലും സി.പി.എം ജാഥക്ക് നേരെ ആക്രമണമുണ്ടായിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.