തുറവൂര്‍: ആലപ്പുഴ-എറണാകുളം പാസഞ്ചര്‍ ട്രെയിന്‍ തുറവൂര്‍ സ്റ്റേഷനില്‍ പിടിച്ചിടുന്നതുമൂലം യാത്രക്കാര്‍ ദുരിതത്തില്‍. എറണാകുളം-ആലപ്പുഴ പാസഞ്ചര്‍ ട്രെയിന്‍ കടന്നുപോകാനാണ് പിടിച്ചിടുന്നത്. ഇതുമൂലം ആലുവ, തൃശൂര്‍ തുടങ്ങിയ സ്ഥലങ്ങളിലേക്ക് പോകേണ്ട യാത്രക്കാര്‍ക്ക് കണക്ഷന്‍ ട്രെയിനായ എറണാകുളം-ബംഗളൂരു കിട്ടുന്നില്ല. യാത്രക്കാര്‍ സമയവും പണവും നഷ്ടപ്പെടുത്തി അലയേണ്ടിവരുന്നു. മുമ്പ് യാത്രക്കാര്‍ ട്രെയിന്‍ തടഞ്ഞ് പ്രതിഷേധിച്ചിരുന്നു. അന്ന് റെയില്‍വേ നല്‍കിയ ഉറപ്പ് പാലിച്ചില്ല. ട്രെയിന്‍ പിടിച്ചിടുന്നത് അവസാനിച്ചിട്ടുമില്ല. ശക്തമായ സമരത്തിനുള്ള ആലോചനയിലാണ് യാത്രക്കാര്‍.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.