‘സാറ്​ പോക്കി​േമാൻ കളിച്ചിട്ടുണ്ടോ...?’ കുരുന്നുകളുടെ ചോദ്യങ്ങൾക്കു മുന്നിൽ പകച്ച്​ വി.എസ്​

തിരുവനന്തപുരം: ‘ആരെങ്കിലും നിർബന്ധിച്ചിട്ടാണോ അതോ സ്വന്തം ഇഷ്​ടപ്രകാരമാണോ സാറ്​ രാഷ്​ട്രീയത്തിൽ വന്നത്?’ അപ്രതീക്ഷിത ചോദ്യം കേട്ട്​ വി.എസ്​. അച്യുതാനന്ദൻ ആദ്യം​ അമ്പരന്നു. പിന്നെ നേരിയ ചിരി, ക്രമേണ പൊട്ടിച്ചിരി. ‘സ്വന്തം ഇഷ്​ട​പ്രകരം തന്നെ’ സ്വതസിദ്ധമായ ശൈലിയിൽ വൈകാതെ ഉത്തരം കൊടുത്തു. ‘സാറ്​ പോക്കി​േമാൻ കളിച്ചിട്ടുണ്ടോ​?’ എന്ന ചോദ്യം ശരിക്കും ഞെട്ടിച്ചു. എന്താണെന്ന്​ മനസ്സിലാകാതെ ചിരിക്കാനേ വി.എസിന്​ കഴിഞ്ഞുള്ളൂ. ശിശുക്ഷേമ സമിതിയുടെ കിളിക്കൂട്ടം അവധിക്കാല ക്യാമ്പിൽ 10 വയസ്സിനുതാഴെയുള്ള കുട്ടിക​ളോട്​ സംവദിക്കാനെത്തിയതായിരുന്നു വി.എസ്​. 

ടി.വിയിൽ കണ്ടും കേട്ടും മാത്രമറിയുന്ന സമരനായകൻ വി.എസിനെ ആഘോഷപൂർമാണ്​ കുട്ടികൾ വര​േവറ്റത്​​. കാറിൽ നിന്നിറങ്ങിയപ്പോൾ എഴുന്നേറ്റുനിന്ന്​ ​കൈയടിച്ചു. വേദിയിലെത്തിയപ്പോൾ ഹസ്​തദാനം ചെയ്യാൻ തിരക്ക്​. ആദ്യം മടിച്ച്​ നിന്നവർ പിന്നെ ചുറ്റുംകൂടി. കൈയിൽ പിടിച്ചും ചേർന്നുനിന്നും തോളിൽ ​ൈകയിട്ടുമൊക്കെ സ്​നേഹപ്രകടനം. ടി.വിയിൽ മാത്രം കണ്ട വി.എസിനെ നേരിൽ കാണുന്നതി​​െൻറ കൗതുകം മാറ്റിവെച്ചായിരുന്നു കുസൃതിത്തങ്ങൾ. വി.എസാക​െട്ട നിറചിരിയോടെ എല്ലാം ആസ്വദിക്കുന്നുണ്ടായിരുന്നു.

വലിയ സദസ്സുകളിലും സമരമുഖങ്ങളിലും മാത്രം സംസാരിച്ചു വഴങ്ങിയ നാവിൽനിന്ന്​ ആദ്യം വന്നത്​ സമരഭാഷ​. ‘അസംബ്ലിയിൽനിന്നാണ്​ താൻ ഇ​േങ്ങാ​േട്ടക്ക്​ വരുന്നതെന്നും നിങ്ങൾക്ക്​ എന്തെങ്കിലും പ്രശ്​നങ്ങളുണ്ടെങ്കിൽ എന്നോട്​ പറയാമെന്നും പറഞ്ഞായിരുന്നു തുടക്കം. ഇതോടെ തലങ്ങും ​വിലങ്ങും ചോദ്യങ്ങൾ. വി.എസി​​െൻറ കാലത്തെ മൂന്നാർ ഒഴിപ്പിക്കലും ഇപ്പോഴത്തെ ഒഴിപ്പിക്കലും എങ്ങ​െന കാണുന്നെന്ന ചോദ്യമായിരുന്നു ആദ്യം. ഒട്ടും വൈകാതെ പഠിച്ചിട്ട്​ പിന്നീട്​ പറയാമെന്നായി വി.എസ്​. കുട്ടിക്കാലത്തെ അനുഭവങ്ങളെക്ക​ുറിച്ച്​ ​േചാദിച്ചപ്പോൾ അൽപമൊന്ന്​ അലോച്ചിച്ചു. പിന്നെ പണ്ട്​ കൂട്ടുകാരൊത്ത്​ കിളിമാസ്​ കളിച്ചതും പാട്ട്​ പാടിയതും അത്തപ്പൂക്കളമിട്ടതും ഒാണമാഘോഷിച്ചതുമെല്ലാം ഒാർത്തെടുത്തു. 

ഇഷ്​ടപ്പെട്ട ആഹാരം ഏതെന്നായി കുട്ടികൾ. അമ്പലപ്പുഴ പാൽപ്പായസമെന്ന മറുപടി വന്നപ്പോൾ വീണ്ടും സംശയം. ‘സാറത് കുടി​ച്ചിട്ടു​േണ്ടാ?’ അതോടെ പൊട്ടിച്ചിരി. രാഷ്​ട്രീയത്തിൽ എത്ര വർഷമായി എന്ന ചോദ്യത്തിന്​  80 കഴിഞ്ഞെന്ന്​ ഉത്തരം. ഇനി മുഖ്യമന്ത്രിയാകുമോ എന്നായിരുന്നു ചിലരുടെ സംശയം. ഇതിനിടെ തങ്ങൾക്കു​ വേണ്ടി വി.എസ്​ പാട്ടുപാടണമെന്നായി ചിലർ. ആവശ്യം മുറുകിയപ്പോൾ തല കുലുക്കി നിരസിച്ചു. ഇതിനിടെ കുരുന്നുകൾ വി.എസിനെ ഒാലത്തൊപ്പിയും അണിയിച്ചു.