ഉ​പ​രാ​ഷ്ട്ര​പ​തി ജ​ഗ്ദീ​പ്‌ ധ​ൻ​ഖ​റി​ന് ത​ല​സ്ഥാ​ന​ത്ത്​ ഊഷ്മള വരവേൽപ്​

തി​രു​വ​ന​ന്ത​പു​രം: ര​ണ്ടു​ ദി​വ​സ​ത്തെ സ​ന്ദ​ർ​ശ​ന​ത്തി​നാ​യെ​ത്തി​യ ഉ​പ​രാ​ഷ്ട്ര​പ​തി ജ​ഗ്ദീ​പ്‌ ധ​ൻ​ഖ​റി​ന് ത​ല​സ്ഥാ​ന​ത്ത്​ ഹൃ​ദ്യ​മാ​യ വ​ര​വേ​ൽ​പ്. ഭാ​ര്യ സു​ദേ​ഷ് ധ​ൻ​ഖ​റി​നൊ​പ്പം വ്യോ​മ​സേ​ന​യു​ടെ പ്ര​ത്യേ​ക വി​മാ​ന​ത്തി​ലെ​ത്തി​യ ഉ​പ​രാ​ഷ്ട്ര​പ​തി​യെ ഗ​വ​ർ​ണ​ർ ആ​രി​ഫ് മു​ഹ​മ്മ​ദ് ഖാ​ൻ, മ​ന്ത്രി ആ​ന്റ​ണി രാ​ജു എ​ന്നി​വ​ർ ചേ​ർ​ന്ന് സ്വീ​ക​രി​ച്ചു. മേ​യ​ർ ആ​ര്യ രാ​ജേ​ന്ദ്ര​ൻ, ചീ​ഫ് സെ​ക്ര​ട്ട​റി ഡോ. ​വി.​പി. ജോ​യ്, ഡി.​ജി.​പി അ​നി​ൽ​കാ​ന്ത്, അ​ഡീ. ചീ​ഫ് സെ​ക്ര​ട്ട​റി കെ.​ആ​ർ. ജ്യോ​തി​ലാ​ൽ എ​ന്നി​വ​ർ സ​ന്നി​ഹി​ത​രാ​യി​രു​ന്നു.

വി​മാ​ന​ത്താ​വ​ള​ത്തി​ൽ സേ​ന അ​ദ്ദേ​ഹ​ത്തി​ന്​ ഗാ​ർ​ഡ്​ ഓ​ഫ്​ ഓ​ണ​ർ ന​ൽ​കി. തു​റ​ന്ന വാ​ഹ​ന​ത്തി​ൽ സ​ഞ്ച​രി​ച്ച്​ ഗാ​ർ​ഡ് ഓ​ഫ് ഓ​ണ​ർ സ്വീ​ക​രി​ച്ച ശേ​ഷം ഭാ​ര്യ​യോ​ടൊ​പ്പം ശ്രീ​പ​ത്മ​നാ​ഭ​സ്വാ​മി ക്ഷേ​ത്ര​ത്തി​ൽ ദ​ർ​ശ​നം ന​ട​ത്തി. ഉ​പ​രാ​ഷ്ട്ര​പ​തി​യു​ടെ സ​ന്ദ​ർ​ശ​ന​ത്തോ​ട​നു​ബ​ന്ധി​ച്ച്​ ക്ഷേ​ത്ര​ത്തി​ൽ നി​യ​ന്ത്ര​ണ​മേ​ർ​പ്പെ​ടു​ത്തി​യി​രു​ന്നു. തു​ട​ർ​ന്ന്,​ അ​ദ്ദേ​ഹം രാ​ജ്ഭ​വ​നി​ലേ​ക്ക് പോ​യി. രാ​ജ്ഭ​വ​നി​ലാ​ണ്​ ഉ​പ​രാ​ഷ്ട്ര​പ​തി​യു​ടെ താ​മ​സം. തി​ങ്ക​ളാ​ഴ്​​ച രാ​വി​ലെ 10.30ന് ​നി​യ​മ​സ​ഭ മ​ന്ദി​ര​ത്തി​ന്റെ ര​ജ​ത​ജൂ​ബി​ലി ആ​ഘോ​ഷ​ങ്ങ​ൾ ഉ​പ​രാ​ഷ്ട്ര​പ​തി ഉ​ദ്ഘാ​ട​നം ചെ​യ്യും.