തിരുവനന്തപുരം : വീടുപൂട്ടി യാത്ര പോകുന്നവര്ക്ക് ആ വിവരം അറിയിക്കാന് പൊലീസിന്റെ ഔദ്യോഗിക മൊബൈല് ആപ്പ് ആയ പോല്-ആപ്പില് ഏര്പ്പെടുത്തിയ സൗകര്യം ഇതുവരെ 6894 പേര് വിനിയോഗിച്ചു.
അവധിക്കാലത്തും വാരാന്ത്യങ്ങളിലും വീട് പൂട്ടി നാട്ടിലും മറ്റും യാത്ര പോകുന്നവര്ക്ക് അക്കാര്യം പൊലീസിനെ അറിയിക്കാനുള്ള സൗകര്യമാണ് ആപ്പില് ഉള്ളത്. ഈ സംവിധാനത്തിലൂടെ വീടിന്റെ വിലാസം നല്കിയാല് ആ പ്രദേശങ്ങളില് പൊലീസിന്റെ പ്രത്യേക നിരീക്ഷണവും പട്രോളിങും ഉണ്ടായിരിക്കും.
പൊലീസിന്റെ ഔദ്യോഗിക മൊബൈല് ആപ്പ് ആയ പോല്-ആപ്പ് ഇതുവരെ 7,01,000 ല് പരം ആന്ഡ്രോയ്ഡ് ഉപഭോക്താക്കള് ഡൗണ്ലോഡ് ചെയ്തു. ഈ മൊബൈല് ആപ്പ് ഉപയോഗിക്കുന്ന ഐഫോണ് ഉപഭോക്താക്കളുടെ എണ്ണം 64,515 ആണെന്നും സംസ്ഥാന പൊലീസ് മീഡിയ സെന്റർ ഡെപ്യൂട്ടി ഡയറക്ടർ വി.പി പ്രമോദ് കുമാർ അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.