മുതുമലയിൽ വീണ്ടും കാട്ടാനയുടെ ജഡം

ഗൂ​ഡ​ല്ലൂ​ർ: മു​തു​മ​ല ക​ടു​വ​സ​ങ്കേ​ത​ത്തി​ൽ വീ​ണ്ടും പി​ടി​യാ​ന​യു​ടെ ജ​ഡം ക​ണ്ടെ​ത്തി. കാ​ർ​കു​ടി റേ​ഞ്ചി​ലാ​ണ് ഏ​ക​ദേ​ശം18 വ​യ​സ്സു​ള്ള ആ​ന​യു​ടെ ജ​ഡം അ​ഴു​കി​ത്തു​ട​ങ്ങി​യ നി​ല​യി​ൽ ക​ണ്ട​ത്. ബു​ധ​നാ​ഴ്ച വൈ​കീ​ട്ട് വ​ന നി​രീ​ക്ഷ​ണ​ത്തി​ലാ​യി​രു​ന്ന ആ​ൻ​റി പോ​ച്ചി​ങ് വാ​ച്ച​ർ​മാ​രാ​ണ് ജ​ഡം ക​ണ്ട​ത്.

വ്യാ​ഴാ​ഴ്ച രാ​വി​ലെ പ​ത്ത​ര​യോ​ടെ മു​തു​മ​ല ക​ടു​വ സ​ങ്കേ​ത ഡെ​പ്യൂ​ട്ടി ഡ​യ​റ​ക്​​ട​ർ പ​ത്മ, സ​ന്ന​ദ്ധ സം​ഘ​ട​ന പ്ര​തി​നി​ധി ആ​ബി​ദ് മ​റ്റു വ​ന​പാ​ല​ക​രു​ടെ സാ​ന്നി​ധ്യ​ത്തി​ലാ​ണ് വെ​റ്റ​റി​ന​റി ഡോ​ക്​​ട​ർ രാ​ജേ​ഷ് പോ​സ്​​റ്റു​മോ​ർ​ട്ടം ന​ട​ത്തി​യ​ത്. ആ​ന​യു​ടെ പി​റ​ക് വ​ശം, തു​മ്പി​ക്കൈ ഭാ​ഗ​ങ്ങ​ൾ മ​റ്റ് വ​ന്യ​മൃ​ഗ​ങ്ങ​ൾ ഭ​ക്ഷി​ച്ചി​രു​ന്നു. ആ​ന ചെ​രി​യാ​നു​ണ്ടാ​യ കാ​ര​ണം കൂ​ടു​ത​ൽ വ്യ​ക്ത​മാ​ക്കാ​ൻ സാ​മ്പി​ളു​ക​ൾ ശേ​ഖ​രി​ച്ചു ലാ​ബ് പ​രി​ശോ​ധ​ന​യ്ക്ക് അ​യ​ച്ച​താ​യി അ​ധി​കൃ​ത​ർ വ്യ​ക്ത​മാ​ക്കി. ര​ണ്ടു ദി​വ​സം മു​മ്പ് സീ​ഗൂ​ർ റേ​ഞ്ചി​ൽ മ​റ്റൊ​രു പി​ടി​യാ​ന​യും ചെ​രി​ഞ്ഞി​രു​ന്നു. കാ​ട്ടാ​ന​ക​ൾ തു​ട​രെ ചെ​രി​യു​ന്ന​തി​ൽ വ​ന​പാ​ല​ക​ർ ആ​ശ​ങ്ക​യി​ലാ​ണ്.