ജിതിന്, ശ്യാംകുമാര്, ദീപു
മെഡിക്കൽ കോളജ്: യുവാക്കളെ ബിയര്കുപ്പികൊണ്ട് കുത്തിപ്പരിക്കേല്പ്പിച്ച മൂന്നുപേരെ മെഡിക്കല് കോളജ് പൊലീസ് പിടികൂടി. പത്തനംതിട്ട ഏനാദിമംഗലം കുറുമ്പക്കര പടിഞ്ഞാറ്റേതില് വീട്ടില് ജിതിന് (27), തിരുവനന്തപുരം തുറുവിക്കല് വയലില് പണയില് വീട്ടില് ശ്യാംകുമാര് (26), നെയ്യാറ്റിന്കര പെരുമ്പഴുത്തൂര് എസ്.എസ് നിവാസില് ദീപു (27) എന്നിവരാണ് പിടിയിലായത്. മേയ് 17ന് പുലര്ച്ച 12.30നായിരുന്നു കേസിനാസ്പദമായ സംഭവം. ചുള്ളിമാനൂര് സ്വദേശികളായ രാഹുല് (24), അരവിന്ദ് (27), അനന്തു (26) എന്നിവരാണ് ആക്രമിക്കപ്പെട്ടത്. പട്ടം കേന്ദ്രീയവിദ്യാലയത്തിനുസമീപത്തുവെച്ചായിരുന്നു ആക്രമണം. ഇടവഴിയില് നില്ക്കുകയായിരുന്നു സുഹൃത്തുക്കള്ക്കുനേരേ ബിയര്കുപ്പി പൊട്ടിച്ചുകൊണ്ട് പ്രതികള് ചാടിവീഴുകയായിരുന്നു. ആക്രമണത്തില് കൈകള്ക്കു പരിക്കേറ്റവര് തിരുവനന്തപുരം മെഡിക്കല് കോളജ് ആശുപത്രിയില് ചികിത്സ തേടി. പൂര്വവൈരാഗ്യമാണ് ആക്രമണത്തിന് കാരണം. അറസ്റ്റിലായ പ്രതികളെ കോടതിയിൽ ഹാജരാക്കി റിമാന്ഡ് ചെയ്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.