പള്ളിക്കൽ: സ്ത്രീകളെ ഫോണിൽ വിളിച്ച് നിരന്തരം ശല്യംചെയ്യുകയും ലൈംഗികച്ചുവയോടെ സംസാരിക്കുകയും ചെയ്ത കേസിൽ പ്രതി അറസ്റ്റിൽ. മടവൂർ, മാങ്കോണം ക്ലാവറകുന്ന് കുറുങ്കുളത്തുകോണം നിസാം മൻസിലിൽ നിസാം (44) ആണ് അറസ്റ്റിലായത്.
ഫോൺ വിളിയെ എതിർക്കുന്ന സ്ത്രീകളെ ഇയാൾ അസഭ്യം പറയുന്നതും പതിവാണ്. പലതവണ വിലക്കിയിട്ടും ആവർത്തിച്ചതോടെ പള്ളിക്കൽ സ്വദേശിനിയാണ് പരാതി നൽകിയത്.
ഇയാൾക്കെതിരെ കടയ്ക്കൽ, പള്ളിക്കൽ സ്റ്റേഷനുകളിൽ നിരവധി കേസുണ്ട്. പള്ളിക്കൽ സ്വദേശി ഗർഭിണിയായ പട്ടികജാതി യുവതിയെ ഉപദ്രവിച്ച കേസും നിലവിലുണ്ട്.
സ്റ്റേഷൻ ഓഫിസർ പി. ശ്രീജിത്തിൻ്റെയും എസ്.ഐ എം. സഹിലിൻ്റെയും നേതൃത്വത്തിൽ അറസ്റ്റ് ചെയ്ത പ്രതിയെ ആറ്റിങ്ങൽ കോടതിയിൽ ഹാജരാക്കി റിമാൻറ് ചെയ്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.