ചന്തവിളയിൽ വീട് അടിച്ചു തകർത്ത നിലയിൽ
പോത്തൻകോട്: മദ്യലഹരിയിൽ യുവാവ് ഭാര്യയുടെയും ബന്ധുവിന്‍റെയും വീടുകൾ അടിച്ചുതകർത്തു. ചന്തവിളയിൽ നൗഫിൻ മൻസിലിൽ കഴിഞ്ഞദിവസം രാത്രി ഒന്നോടെയായിരുന്നു സംഭവം. മോഷണമടക്കം നിരവധി കേസുകളിൽ പ്രതിയായ റഹീസ് ഖാനാണ് ഭാര്യ നൗഫിയയുടെ ചന്തവിളയിലെ വീട് തകർത്തത്.
രണ്ടുദിവസം മുമ്പുണ്ടായ അടിപിടിയുമായി ബന്ധപ്പെട്ട് ഭാര്യാപിതാവ് പൊലീസിൽ പരാതി നൽകിയതാണ് പ്രകോപന കാരണം. സ്ഥിരമായി മദ്യപിച്ച് വീട്ടിൽ പ്രശ്നമുണ്ടാക്കുന്ന ഇയാൾ കഴിഞ്ഞദിവസം വാളുമായെത്തി ഭാര്യയെ കൊല്ലുമെന്ന് ഭീഷണിപ്പെടുത്തിയിരുന്നു. ഇയാളെ പേടിച്ച് ഭാര്യ നൗഫിയ പിതാവിനൊപ്പം മറ്റൊരു സ്ഥലത്തേക്ക് താമസം മാറി. ഭാര്യയെ വീട്ടിൽ കാണാത്തതിനെ തുടർന്ന് ഇയാൾ രണ്ട് സുഹൃത്തുക്കൾക്കൊപ്പം മാരകായുധങ്ങളുമായെത്തി ഭാര്യയുടെ കുടുംബവീട് അടിച്ചുതകർത്തു.
ജനലുകളും വാതിലും ടി.വി അടക്കമുള്ള വീട്ടുപകരണങ്ങളും ശുചിമുറിയും പൂർണമായും തകർന്നു. തുടർന്ന് ഇവർ കണിയാപുരം മുസ്ലിം സ്കൂളിന് സമീപം താമസിക്കുന്ന ഭാര്യയുടെ ബന്ധു സക്കീറിന്‍റെ വീടും വാഹനവും അടിച്ചുതകർത്തു. മോഷണം, പിടിച്ചുപറി തുടങ്ങി നിരവധി കേസുകളിൽ പ്രതിയായ റഹീസ് ഖാൻ ഒളിവിലാണ്. പ്രതികളെ ഉടൻ പിടികൂടുമെന്ന് പോത്തൻകോട് പൊലീസ് പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.